Peyama Serok Nêçîrvan Barzanî ji bo bîranîna komkujiya Êzidiyan

Îro em salvegera yazdehemîn a qirkirina Êzidiyan bi bîr tînin û qurbaniyên vê tawanê bi rêz û wefadarî bi bîr tînin. Em pabend in ku hemû piştgiriyê bidin welatiyên xwe yên Êzidî û tevî hemû êşên rabirdûyê, em bi hêvî li pêşerojê dinêrin û bi hev re dixebitin da ku birînên wan derman bikin.

Ev pir xemgîn û nîgeran e ku ev yanzdeh sal in,  nêzîkî nîvê Êzidiyan hîn jî di rewşek dijwar a aborî, civakî û derûnî de di kampan de dijîn. Erka hikûmeta Iraqê ye ku xwe ji welatiyên xwe yên Êzidî ra çêtir xwedî  derkeve û wan qerebû bike û êdî rê nede ku Şingal û deverên êzidiyan meydana milîs û grûpên çekdar bin û yekalîkirna acêndayên herêmî bin.

Divê bawerî, ewlehî, aramî, ewlehî, geşbûn û xizmetguzariyan ji bo Şingalê û deverên din vegerîne, divê edalet ji bo civaka Êzidî pêk were û sûcdar werin cezakirin. Ji ber vê yekê, em tekezî li ser pêkanîna peymana di navbera Hikûmeta Herêma Kurdistanê û Hikûmeta Federal a Iraqê de dikin da ku rewşa Şingalê normal bibe û bibe parêzgeh. Her wiha em bang li civaka navneteweyî dikin ku bi her awayî alîkariya Êzidiyan bikin.

Em spasiya hemû welatên ku komkujiya Êzidiyan wekî jenosîd nas kirin dikin û em ê hewlên xwe ji bo naskirina wê wekî jenosîd li ser asta navneteweyî bidomînin. Spas ji bo alîkariya hevpeymaniya navneteweyî di têkbirina DAIŞê de. Em xwişk û birayên xwe yên Êzidî piştrast dikin ku em ê her gav wan biparêzin û heya ku kesekî Êzidî yê revandî hebe, ofîsa me dê ji bo rizgarkirin û eşkerekirina çarenûsa wan xebata xwe bidomîne.

Silav ji bo bîranîn û giyanê qurbaniyên Êzîdî û ji bo îrade û berxwedana xurt a Êzîdiyan. Ez silav ji bo bîranîn û giyanê hemû Pêşmerge yên qehreman yên ku di bin fermandariya Serok Mesûd Barzaniyê de ji bo rizgarkirina Şingal û hemû pêkhateyên li Kurdistan û Iraqê canê xwe fedakir, dişînim.

Nêçîrvan Barzanî

Serokê Herêma Kurdistanê

2025.08.03