Peyama Serok Nêçîrvan Barzanî bi boneya Roja Rojnamegeriya Kurdî
Bi helkefta 127 saliya derketina rojnameya Kurdistanê ji aliyê Mîr Miqdad Midhet Bedirxan ve, pîrozbahiyê li hemû rojnamevan û xebatkarên ragihandinê yên Kurd dikim û 27 saliya damezrandina Yekîtiya Rojnamevanên Kurdistanê jî hêviya serkeftinê ji bo wan dixwazim.
Bi vê minasebetê em tekezî li ser pabendbûna xwe bi azadiya rojnamevanî û derbirînê û giringî û pêwîstiya parastina gotina azad weke yek ji rêgezên serekî yên demokrasî, pêşketin û civakeke saxlem û rehet dikin. Emê berdewam bin ji bo dabînkirina jîngeheke guncaw ji bo karkirina rojnamevanan, ku tê de gihandina zanyariyan misoger û dûrî hemû astengî û astengiyan be û her binpêkirinek di çarçoveya yasaya rojnamevaniyê de bê çareserkirin.
Em di wê baweriyê de ne ku rojnamevaniya azad, wêrek, berpirsiyar û rexnegir hevkarê sereke ye di avakirina Kurdistaneke dadperwer û pêşkeftî de û aştiya civakî di ser her tiştî re deyne û di bihêzkirina çanda cihêrengî, pêkvejiyanê, hevpejirandin û toleransê de roleke çalak bilîze.
Di vê rojê de em şehîdên rojnamegeriya Kurdistanê û hemû şehîdên ku di rêya ragihandina rastiyan û xizmetkirina civakê de qurbanî dane bi bîr tînin. Em rola rêxistinên navxwe û navdewletî di şopandina azadiya raderbirînê de li Kurdistanê bilind dinirxînin û piştrast dikin ku emê raportên wan ji bo pêşxistina jîngeha medyayî û rojnamevaniyê li welatê xwe bikar bînin.
Nêçîrvan Barzanî
Serokê Herêma Kurdistanê
22.04.2025
