Pêşmerge êrîşekî dinê Da'îşê şikand

Fermandeyê Hêzên Pêşmerge li Şengalê dibêje, vê êvarê terorîstên Da’îş dîsa êrîş kirine ser hêzên Pêşmerge, lê belê Pêşmerge bi awayeke xerap wan têkşikandine.

Eqîd Îsa Zêweyî Fermandeyê Lîwaya Çar ê hêzên Pêşmerge li Şengalê bi malpera fermî ya Partiya Demokrata Kurdistanê ragihand: “Terorîstên nav Şengalê berdewam êrîş dikine ser hêzên Pêşmerge, vê êvarê jî dîsa êrîş kirin ser hêzên Pêşmerge, lê belê gelek bi başî me bersîva wan da û me wan têkşikandin û ziyaneke mezin li wan ket.”

Eqîd Îsa Zêweyî got: Êrîşa vê êvarê ya terorîstên Da’îş gelek bihêz bû, lê belê bi awayeke baş me bersîva wan da û me şeş terorîst ji wan kuşt, laşê dûyê li meydana şer da bi cîh maye ku renge emîr bin. Navê wan dûyan (Kerar) û (Xalîd)e.

Zêweyî wan axaftinan jî bi nerast derxist ku qaşo li şerê vê êvarê da, Pêşmerge û Da’îş şerê narincokan kiribe.

Hêjayî gotinêye doh heta îro berî şerê vê êvarê ku Pêşmerge Da’îşê şikand, 70 terorîstên Da’îş hatin kuştin.

Nerîna min :