Serokê Firaksiyona PDKê li Parlamentoya Kurdistanê Zana Mela Xalîd îro 27ê Adarê di konferanseke rojnamevanî de ragihand, destpêşxeriya wan ew e Komîsyona Bilind a Serbixwe ya Helbijartin û Rapirsiyê li Herêma Kurdistanê wek heye bê aktîvkirin, ji bo hilbijartina bê ya parlemantoyê di 1/10/2022an de were kirin.
Zana Mela Xalîd got ku, çarçoveya destpêşxeriya nû ya partiya wan de pêwîst e Seroka Parlamentoyê civînekî parlamentoyê heta dawiya vê mehê rêk bixe bo aktîvkirina komîsyonê.
Derbarê amadekariyên ji bo hilbijartinê, got jî: “Mersoma Serokatiya Herêmê derketiye. Herwiha Serokwezîrê Herêma Kurdistanê aliyên pêwendîdar raspardine ji bo pêwîstiyên lojistî û darayî yên hilbijartinê amade bikin.”
Zana Mela Xalîd got: “Wek Firaksiyona PDKê, me destpêşxerî kiriye ku komisyon wek heye bê aktîvkirin û piştre PDK cihê xwe komisyonê de bigire.”
Berî niha PDKê daxwaz dikir komîsyon li gor encamên helbijartina Parlamentoya Kurdistanê ya sala 2018an bê aktîvkirin.
