PDK dibe partîyek sivîl

Nêçîrvan Barzanî di dîdareka xwe ya rojnamevanî de doh da xuyakirin ku ne razîbûna hinek aliyan ji gotara serokê Kurdistanê balkêş dibîne..

Di vê derbarê de Nêçîrvan Barzanî got: Ji mafê kurd e ku daxwaza mafê çarenivîsîyê bike. Ev daxwaza han di kongireya berî niha ya PDK-ê jî de hat kirin. Ev daxwaza han ne daxwazeka nû ye. Ev mafekî suriştîyê kurd e û me piştî sala 2003 di Iraqa nû de biryar da, ku ev mafê han ji kurd re hebe û em dê her di nav Iraqê jî de bin.

Nêçîrvan Barzanî weha jî got: Serokatiya tevgera  kurd ev dirûşmê bilind kirine û me di nav palementoya herêma kurdistanê jî de daxwaz kir, ku ev mafê han di çarçoweyê Iraqê de ji kurd re hebe. Em niha jî rola kurd û bi taybetî rola serokê herêma Kurdistanê Mesûd Barzanî ya di vê derbarê de girîng dibînin.

Nêçîrvan Barzanî: Ez weha bawer dikim, ku kurd biryar daye mafê xwe yê çarenivîsîyê di çarçêweyê Iraqa yekparçe, federal û demokratîk de bi dest ve bîne. Di nav kongireya 13-ê ya PDK de jî, her alaya Iraqê li tenişta alaya Kurdistanê daçikandî bûye û sirûdê kurdî û sirûdê Iraqê bi hevdu re hatin pêşkêşkirin.

Cîgirê serokê PDK-ê: Ya giring ewe, ku heger serokê herêma Kurdistanê bixwaze serxwebûna kurdistanê rabigihîne, ew dê gelek zelal, e¨kere û bê dudilî rabigihîne. Belê mebesta serokê herêma Kurdistanê ew e, ku mafê çarenivîsîyê di çarçêweyê Iraqeka yekparçe, federal û demokrat de, mafekî suriştîyê kurd e.

Di derbarê pêşinyarên serokê Kurdistanê de yên ji bo hukûmeta Iraqê jî Nêçîrvan Barzanî got: Dema ku gotinên serokê Kurdistanê ji kurdî dibin erebî yan inglîzî, her alîyek bi şêweyekî cuda şirove dike. Ev kongreya PDK-ê yekem kongreya piştî herifandina rejîma berê ya Iraqê ye û ev dide xuyakirin, ku şêweyê xebata PDK-ê  jî hatiye guhertin.

Nêçîrvan Barzanî got: Me berê bi nehênî û veşartî dirûşme bilind dikirin û me şerê çekdarî dikir. Belê niha û piştî vê kongireyê, dê guhertin çê bibin û dê PDK bibe partîyeka sivîl. Ez dubare dikim, ku gotarên serokê herêma Kurdistanê ji alîyê hinek kesan ve bi şaşî têne şirovekirin. Em dixwazin di çarçoweya Iraqeka yekparçe, federal û demokratîk de xwedîyên mafê xwe yên çarenivîsîyê bin.

Di derbarê serxwebûna Kurdistanê de jî, Nêçîrvan Barzanî got: Ez dubare dikim, ku ji mafê me ye em çarenivîsa xwe dîyar bikin. Heger em biryara serxwebûnê û cudabûna ji Iraqê jî bidin, em dê vê biryarê bi eşker bidin û ragihînin. Belê me ti biryarên weha nedaye.

Nerîna min :