Cîgirê serokê Parlamentoya Kurdistanê ragehand, ku şandeya Parlamentoya Kurdistanê peyama dostanî û piştevaniyê gehandiye konsolxaneya Fransa.
Îro 28.10.2020ê şandeyekî Parlamentoya Kurdistanê bi serokatiya cîgirê serokê Parlamentoya Kurdistanê Hêmin Hewramî ve serdana konsolxaneya Fransayê li Hewlêrê kir.
Di civîna xwe ya çapemeniyê de Hêmin Hewramî amaje bi piştevaniyên Fransayê bo şoreşa rîzgarîxwaziya gelê Kurdistanê û parastina herêma Kurdistanê kir.
Hêmin Hewramî ragehand, herçend bi mislimanbûna piraniya gelê Kurdistanê serbilindin jî, lê gelê Kurdistanê ji gelek netew û olên cuda pêkhatiye, ku bi aştiyane li gel yek jiyan dikin , di vê serdanê de jî peyama piraniya gelê Kurdistanê gehandine konsolxaneya Fransayê.
Cîgirê serokê Parlamentoya Kurdistanê peyvendiyên Hewlêr û Parîsê jî amaje pê kir û pesnê helwêstê serokkomarê Fransayê û piştevaniyên Fransayê yên ji bo gelê Kurdistanê da.
Hêmin Hewramî red kir helwêstê hejmarek parlamenteran derbarê Fransayê de helwêstê Parlamentoya Kurdistanê be û got, şandeya îro bi nûnertiya piraniya fraksiyon û pêkhateyên Kurdistanê ve serdana konsolxaneya Fransayê kiriye û peyama dostaniya gelê Kurdistanê gehandiye gelê Fransayê.