PAKê li Stenbolê civîneke sohbetê li dar xist

Di  roja 09.04.2022yê li Nûneratîya PAKê ya Stenbolê de civîneke sohbetê hate li dar xistin.

Ji ber pandemîya Covîd-19ê,  eve demeke dirêje ku li Stenbolê civîn nedihatin li dar xistin.

Nûneratîya PAKê ya Stenbolê, li gel ku cîhê wan teng bû jî, roja 09.04.2022yê civîneke serkeftî, bi beşdarîya gelek welatperwerên Kurd li dar xist.

Civîn bi rêzgirtina ji bo şehîdên Kurdistanê destpê bû.

Di civînê de Cîhgirê Serokê Giştî yê PAKê Kasim Ergun bi zaravêyê Kurmancî, Cîhgirê Serokê Giştî yê PAKêMehmet Gul jî bi zaravayê Kirmanckî/Zazakî û bi Tirkî axaftin.

Kasim Ergun rewşa her çar perçeyên Kurdistanê û bi taybetî  rewşa bakur, başûr û rojavayê Kurdistanê û rewşa Tirkîyeyê nirxand ; li Bakurê Kurdistanê û Tirkîyeyê li ser çareserîya pirsgirêka Kurd û Kurdistanê û pêwîstîya hevkarî û tifaqên neteweyî , niştimanî de nêrînên PAKê  anî zaiman.

Mehemt Gul jî, di derbarê hevdîtinên  PAK, PSK û TDK-TEVGERê yên ji bo li ser bingehê Daxwazên Acîl yên miletê Kurd ava kirina Alîyê Kurdî de agahdarî da û girîngîya xebatên ji bo Daxwazên Acîl anî ziman. Mehmet Gul herweha li ser rewşa Tifaqên Cimhûr û Miletê, li ser rewşa Tirkîyeyê û rol û pêwîstîya sîyasî û ya pêk anîna Alîyê Kurdî bîr û rayên PAKê anî ziman.

Di berdewamîya civînê de beşdaran pirsên xwe kirin, Kasim Ergun û Mehmet Gul ev pirs bersîvandin.

Civîn bi awayekî berhemdar û serkeftî bidawî hat.

09.04.2022

Buroya Çapemenî û Ragehandinê ya PAKê