PAKê(Partîya Azadîya Kurdistanê) bi çalakî û xebateke berfireh , bangî malbatên kurdan kir da ku ji bo zarokên xwe dersa bijarte ya kurdî(Kurmancî û Kirmanckî/Zazakî) bibijêrin.
PAKê li Amedê, li Mêrdînê, li Batmanê, li Wanê bi belav kirina broşurên li kolan û cadeyan, bi darve kirina pankartan, bi afîşên li ser bîlbordan, bi daxuyanîyên taybet, bangî malbatên Kurdan kir da ku ji bo zarokên xwe dersa bijarte ya kurdî bibijêrin.
Ji bo bijartina dersa bijarte ya kurdî, roja 07.02.2022yê roja dawîyê ye.
Em careke din bangî gelê xwe dikin da ku ji bo zarokên xwe dersa bijarte ya kurdî bibijêrin.
Ji bo ku sala bê bi sedhezaran kurd dersa bijarte ya kurdî bibijêre, divê van xebatên ji bo bijartina dersa kurdî bibe destpêkek.
Herweha, xebata ji bo bijartina dersa kurdî, ji îro pê ve, divê bi organîzasyon û bernameyeke xebatê ya rêk û pêk, ji bo zimanê kurdî bibe zimanê perwerdeyê û ji bo perwerdeya bi zimanê kurdî bê qebûl kirin bibe pêngavek, bibe bingehek.
Divê kampanyaya îmzeyê ya ku PZK(Platforma Zimanê Kurdî) û Tora Ziman û Çanda Kurdî ji bo fermîbûn û perwerdehîya zimanê kurdî dimeşînin, bê geş kirin, bê xurt kirin.
05.02.0222
Buroya Çapemenî û Ragehandinê ya PAKê
