Hevpeyvîn

NB: Emê bi eşkereyî, ne bi dizî, çarenivîsa xwe eşkere bikin

Serokwezîrê Kurdistanê Nêçîrvan Barzanî diyar kir k,u her gava kurd gihîşt wê baweriyê ku, çarenûsa xwe diyar bike vê yekê bi dizî nake dê bi eşkere bike û  ”êdî hîngê Bexda dibe cînarê me.”

Serokwezîr Nêçîrvan Barzanî di hevpeynekê de digel televîzyona erebî ya bi navê Asya, li ser pêwendiyên navbera Hewlêr û Bexdayê û pirsgirêkên hilawîstiyên navbera her du aliyan daxuyanî da.

Nêçîrvan Barzanî, rexne li gotinên serokwezîrê Iraqê Nûrî Malikî yên derbarê vekirina tola rojnamevanê iraqî  Mihemed Bidêwî gotibû, kir û got, mixabin Malikî ku serokwezîrê Iraqê ye peyva “xwîn li hember xwînê” bikar tîne û wiha axivî: “Em naxwazin Iraqa nû wiha be, em dixwazin qanûn li ser hemû tiştekî re be.”

Serokwezîr Barzanî destnîşan kir ku ev gotinên Malikî zêdetir mîna serokeşîran e heta serokwezîrê Iraqê çimkî gotinên wî dibin sedema aloztirbûna rewşa welêt.

Nêçîrvan Barzanî, li ser nakokiyên navbera Hewlêr û Bexdayê de jî got, di mijara mafê çarenûsê de çi pêwîst be kurd dê bike û kînga kurd gihîşt wê baweriyê ku divê çarenûsa xwe diyar bike wê çaxê dê bi eşkere vê yekê bike nek bi dizî û wê demê Bexda dê bibe cînarê me. (Rûdaw)

Back to top button