Mesîhiyên Iraq û Kurdistanê spasiya Barzanî dikin

Berî nîvroya îro yekşem 24.11.2013 li Selahedîn birêz Mesûd Barzanî Serokê Herêma Kurdistanê pêşwaziya şanda Kongreya Yekema Rêhevalên Bertile kir.

Li civînê de endamên şandê ji bo rexsandina vê hevdîtin û civîna li gel cenabê wî gelek spasiya Serok Barzanî kirin. Paşê endamên şandê Serok Barzanî ji armanc û bingehên Kongreya Yekema Rêhevalên Bertile agahdar kirin balkişandin li ser wan kêşe û pirsgirêkan ku welatiyên Mesîhî li devera Tilkêf û Bertile û deşta Nînowa da rûbirû bûne. Bi taybetî dabezîna ber bi çava rêjeya runiştvanên Mesîhî li wan navçeyan ku bi sedema cûr bi cûr navçeyên xwe bi cîh hiştine û berev Herêma Kurdistanê ve hatine. Şanda Kongreya Yekema Rêhevalên Bertile gumanên xwe yên ji ber gûherîna demografyaya wan navçeyên Mesîhî têda nîştecîhin nîşandan û armanca serekî ya Kongreyê jî ji bo peydakirina çareseriyeke ji bo wan giriftan. Şanda mîhvan ji bilî balkişandina li ser rola Serok Barzanî ya cîh girkirina mafê kêmayetiya olî û neteweyiyan li destûra Iraqê de û daxwaz ji Serok Barzanî kirin ku yarmetiya navçeyên wan bide ku parsengiya sirûştiya demografya navçeyên wan neyê guhertin. Her wiha endamên şandê gelek spasiya xelk û Hikûmet û hêza Pêşmergeya Herêma Kurdistanê kirin ku rolekî ber bi çav li parastin û hewandin û yarmetîdana Mesîhiyan û hemû pêkhatên dinê li Musilê de hebûye.

Li beranber de Serok Barzanî bi xêrhatina şanda mîhvanan kir û hêviya serkeftinê ji bo Kongreya wan xwest û balkişand li ser wê yekê ku li Herêma Kurdistanê çanda lêborînî û pêkvejiyanê bihêz û dîrokiye û demargîriya olî û neteweyî têda tûne. Di derbarê kêşeyên deşta Nînowa Serok Barzanî got: “Li rewşa nebûna aramî û nebûna asayîşê de hemû aliyek û hemû pêkhateyek dibin armanc û welatî bi awayeke demkî li pey penageh û starek digerin û cihên xwe bi cîh dihêlin û cîhên aram û asayîşê dikin cihên xwe. Lê belê eger bi cîh hiştina navçeyan û guherîna demografî bi awayekî rêkxistî û bername dariştî bê ew nayê qebûl kirin û pêwîste rû bi rûyê wê bibîn”. Her wiha pêwîst bi kêşeya welatiyên Bertile Serok Barzanî behsa ewe kir ku gelek ji wan navçeyan li ruyê xizmetguzarî û girîngîpêdanê ve ji aliyê navendê ve hatine îhmal kirin û Herêm jî li rûyê îdariyê ve nikarê yarmetiya wan bide lê belê li gel ewe jî Herêma Kurdistanê wan himbêz dike ku ji bo yarmetîdana welatiyên Iraqî û hewandina wan ji her ol û neteweyek bin. 

Bersiv :

Nêrîna te
Nav: