Li Diyarbekir bi navê serokê MHPê Devlet Bahçelî Daristanek tê çêkirin
Li gora agahdariyan şaxa MHPê ya Diyarbekirê bi navê serokê MHPê li Diyarbekirê Daristanekî çêdikin û dest bi çandina daran jî kirine. Waliyê Diyarbekirê ji bo daristanê cih ji bo MHPê veqetandiye û şaxa MHPê jî dest çandina daran kiriye û dibêjin heta dawîya vê mehê çandina daran jî diqede.
Serokê MHPê yê Diyarbekirê di daxûyaniyekî de ji bo veqetandina cihê Daristanê û arikariya ku hatî kirin spasiya waliyê Diyarbekirê û berpirsên dezgehê Daristana dike. Herweha serokê MHPê yê Diayrbekirê di daxûyaniya xwe de dibêje:“ Dê di daristanê de 10 hezar dar bene çandin û dê her darek bi navê efserek ku hatî şehid kirin bê navkirin.“
Di vê derbarê de Odeya endiziyarên Diyarbekirê daxûyaniyek ragihand û dibêjin: Ji bo çi hun deverek wek Diyarbekirê bi navê Bahçelî Daristana çêdikin? Bahçelî li dijê Kurda diaxêve û Bahçelî dijminê Kurda ye. Bi sedan navdarên Diyarbekirê hene navê hinek ji wan li Daristanê bikin.
Li himber daxûyaniya Odeya endizariyan şaxa MHPê li Diyarbekir daxûyaniyek ragihand û dibêje: Desteya karmendên MHPê yê şaxa Diyarbekir hemû Diyarbekirîne û piraniya wan jî Kurdin. Gelek daxûyaniyên serokê me Bahçelî di derbarê Kurdan de hene. Daxûyaniyek a Bahçelî eve: “ Birayên me yên Kurd parçeyek ji miletê meye, Yekgirtina PKKê û Kurda bi hevre xiyanet e.“
Di hilbijartinên parlementoyê yê sala 2018ê MHP li Diyarbekir %1.34 deng destve anîbûn.