Kurd ji dev serokatiya Iraqê bernadin

30/06/2010

Endamê hevpeymanîya Kurdistanî Firyad Rewandizî da xuyakirin, ku kurd dev ji posta serokatîya Iraqê bernadin û weha jî dibînin, ku nêzîkbûn di navbera lîsta Eliraqîye û lîsta Îtilafa Dewleta Qanûnê de çênebûye. Weha jî dihê belavkirin, ku Eliraqîye û Îtilafa Dewleta Qanûnê dixwazin rêkevtinekê di navbera xwe de pêk bihînin û desthilatdarîyê jî, di navbera xwe de dabeş bikin.

Firyad Rewandizî da nîşandan, ku ti kes û alî ne li dijî kandîdkirina Celal Talebanî ji bo posta serokatîya Iraqê ne û bîr û nerînên hemû alîyên siyasî, di vê derbarê de yek in.

Di vê bêjedana xwe de Firyad Rewandizî da nîşandan, ku divê hemû alîyên siyasîyên Iraqê xwe girêdayî pêkanîna hemû bend û maddeyên destûra Iraqê bibînin.

Firyad Rewandizî di vê derbarê jî de behsa maddeya 140 kir û got, ku gerek maddeya 140 pêk bihê û deverên ku ji herêma kurdistanê hatine dabirrandin jî bikevin nava herêma kurdistanê de, da ku mafên hemû alîyan paraztî bin.

(PNA)

30/06/2010