Kampanya îmzeyan ji bo serokê Dalkurdê dest pê kir

 

Piştî ku dadgeha Turkiyê ji Serokê Dalkurdê Ramazan Kizil re nêzî salekî cezeyê hepsê da, li dijî biryarê dengê nerazîbûnê bilind û zêde dibin.

 

Duhî Partiya Çep ya Swêdê Vänster Partiet kampanyek mezin ya îmzeya da dest pêkirin. Kampanya li dijî biryara dadgeha Turkiyê hatiye dest pêkirin armanca xwe wisa diyar dike:

 

Ramazan Kizil ji aliyê dadgeha Turkiyê bi 10 mehan hate cezekirin. Sucê Kizil, axaftina bi kurdî di civînek DTP ê de bû.

 

Em weke kesên demokrat û mirov piştgiriya Kizil dikin û li cem wî û taveyê kurda ne ku, ji bo mafê bi kurdî axiftinê dixebitin, bi xebatên polîtîk li Turkiyê û welatê xwe mijûl dibin.

 

Daxwaziya me ew e ku, dadgeh û biryara dadgehê ji aliyê hikumeta Swêdê, bi taybetî ji ailyê serokwezîr Reinfeldt û wezîrê karê derve Bildt ve bê mehkûmkirin. Niha dema wê ye ku, hikumeta Swêdê bi xurtî li dijî Turkiyê û zilma wan ya li dijî kurda raweste.    

 

Kesên bixwazin dikarin bi rêya vê malperê piştgiriyê bidin serokê Dalkurdê Ramazan Kizil:

 

http://www.namninsamling.se/index.php?Forum=Forum&sida=2&fnvisa=forum&nid=4153

 

EuroKurd News – eurokurd.net