Hêzên asayîşa Kurdistanê gurubek terorîstên DAÎŞê girtin

Encûmena Asayişa Herêma Kurdistanê girtina grûpeke terorîstên DAIŞê ragihand.Li gora daxûyaniya Asayişa Kurdistanê, teroristan dixwest hejmarek kiryarên terorîstî li nav bajarê Hewlêrê pêk bînin, û taybet bazarên qelebalix, kesên biyanî û hêzên ewlekariyê bikin armanc.

Di daxûyaniyê de dibêje: Ev grûpa terorîstî ji destpêka îsal ve ji aliyê Emna Giştî ya grûpa terorîstî ya DAIŞê ve hatiye çalakkirin û ji aliyê emîrekî emnî yê naskirî bi Ebû Haris ve ferman bi wan hatiye kirin daku kiryarên terorîstî li nav bajarê Hewlêrê bikin û hewl dane bombeyan derbasî nav bajarê Hewlêrê bikin û bi wan (bombeyan) di nav bajarê Hewlêrê de kiryarên terorîstî pêk bînin û kesên biyanî û emnî bikin armanc.

Di daxuyaniyê de tê gotin ku; berî pêkanîna kiryarên terorîstî, endamên wê tore li nav bajarê Hewlêrê hatine desteserkirin û plana wan hatiye pûçkirin.

Encûmena Asayişa Herêma Kurdistanê berdewamiya daxûyaniya xwe de dibêje: 7 kes ji endamên vê grûpê ji aliyê hêzên ewlekariyê yên Kurdistanê ve hatine girtin, ku navê çar kes ji wan hatine aşkerekirin û wêneyên wan hatine weşandin, lê nav û wêneyên 3 kesên din “ji ber ku kêmtir ji 18 sal temenê wan e.

Nerîna min :