Heyeta PAKê Seredana Sengera Pirdê Kir

Serokê Giştî yê PAKê rêzdar Mustafa Özçelik, endamê Komîteya Birêvebirîya Navendî û berpirsê Başûrê Kurdistanê ya PAKê rêzdar Orhan Kaya û endamê Komîteya Başûrê Kurdistanê ya PAKê rêzdar Temo Ayas, roja 05.06.2018an  seredana Sengera Pirdê yê nêzîkî bajarê Hewlêrê  kirin.

Endamê Mekteb Sîyasî ya PDKyê û Fermandarê pêşmerge rêzdar Dr. Kemal Kerkûkî, Serokê PAK a Rojhilat rêzdar Husên Yezdanpena, rêzdaran fermandar û pêşmergeyên li Sengera(cepheya) Pirdê pêşewazîya heyeta PAKê kirin.

Piştî kareseta 16yê Oktobra 2017an  ku Kerkûk bi îxaneta hinek kesên Kurd ve careke din hate dagir kirin, morala  Kurdistanîyên her çar perçeyên Kurdistanê şikestibû.

Di roja 20ê oktobira 2017an de Heşdî Şahbî, Pasdarên Îranê û hêzên eskerî yên din yên Iraqê êrîşeke mezin anîbûn ser Pirdê. Bi vê êrîşê Heşdî Şahbî dixwest were Hewlêrê dagir bike. Û dawî li destkeftinên Federalî yên Herêma Kurdistanê bînin.

Lê pêşmergeyên  Başûr û Rojhilatê Kurdistanê bi berxwedaneke qehremanane, ev êrîşa Heşdî Şahbî û hevalbendên wê têk birin û dagirkeran şikesteke mezin xwarin.

Piştî vê berxwedana Pirdê , li Sihêla û li Zûmar jî pêşmergeyên qehreman bi berxwedanên mezin pilanên dagirker û xêrnexwazan têk birin.

Berxwedana Pirdê di parastin û pêşdebirina doza azadî û serxwebûna Kurdistanê de berxwedaneke dîrokî ye.

Serokê Giştî yê PAKê rêzdar Mustafa Özçelik jî li gel heyeta PAKê seredana Sengerê Pirdê kirin û pîrozbahî û spasîya fermandar û pêşmergeyên Kurdistanê kirin.

Endamê Mekteb Sîyasî ya PDKyê û Fermandarê pêşmerge rêzdar Dr. Kemal Kerkûkî, li gel Serokê PAK a Rojhilat rêzdar Husên Yezdanpena û li gel rêzdaran fermandarên pêşmergeyan,  bi berfirehî behsa wê berxwedana 20ê oktobira 2017an, behsa plana xwe ya eskerî û şikesta Heşdî Şahbî û hevalbendên wê kirin.

Heyeta PAKê êvarê jî li gel pêşmergeyên qehreman fitara xwe vekirin.

Heyeta PAKê ji bo vê pêşewazîyê sipasîyên xwe pêşkêşî rêzdaran Dr. Kemal Kerkûkî û Husên Yezdanpena û hemû fermandar û pêşmergeyên qehreman kirin.

Fermandar û pêşmergeyên Başûr û Rojhilate Kıurdistanê yên li Sengera Pirdê pêşewazîyeke germ û welatperwerane li heyeta PAKê kirin. 06.06.2018

Buroya Çapemenî û Ragehandinê ya PAKê

 

 

 

 

 

 

 

 

 

 

 

 

Nerîna min :