Şanda DEM Partiyê ku li Îmraliyê bi serokê PKKê Abdullah Ocalan re 2 caran hevdîtin kir, têkiliyên xwe didomînin.
Heyet di dawiya vê hefteyê de wê biçe başûrê Kurdistanê.
Partiya DEMê da zanîn ku dê di şandê de Pervîn Buldan û Sirri Sureyya Onder û rêveberên partiyê jî cih bigirin.
Şanda han dê roja yekşemî 16ê Sibatê li gel Serokê Herêma Kurdistanê Nêçîrvan Barzanî û Serokê Barzanî bicive.
Tê çaverêkirin ku şanda han roja duşemê 17ê Sibatê li bajarê Silêmaniyê bi Bafil Talebanî û Qubat Talebanî re bicive.
Di hevdîtinên şandeya DEM’ê de wê hûrgiliyên hevdîtinên li Îmraliyê bên parvekirin û der barê pêvajoyê de nêrînên eleqedar bên girtin.
Tê payîn ku piştî van serdanan heyet cara sêyemîn biçe Îmraliyê û bi Ocalan re hevdîtinê pêk bîne. Piştî wê hevdîtinê dê hemû çav berbi banga ku Abdullah Ocalan dê bike.
