Hevditinên PAKê berdewamin
KADEPê û PAKURDê Li Amedê Seredana Navenda Giştî ya PAKê Kirin
Heyetên KADEPê û Partîya Kurdistanî(PAKURD) îro(13.02.2015) li Amedê cuda cuda seredana PAKê kirin.Herdu heyet jî ji alîyê Serokê Giştî yê PAKê rêzdar Mustafa Özçelik û rêvebrên PAKê ve hatin pêşewazî kirin.
Heyeta KADEPê ya ku ji Serokê Giştî yê KADEPê rêzdar Lutfi Baksi, Serokê Bajarê Amedê yê KADEPê rêzdar Ciwanroj Ceyhan û Rêveberê Bajarê Amedê yê KADEPê Mehmet Emin Çiçek pêk hatibû
Heyeta PAKURDê ji Pêşengên PAKURDê rêzdaran İbrahim Halil Baran û Bulend Aşkan û endamên Dîwana Serokatîyê rêzdaran Aysel Ek ve Baver Yavuz pêk hatibû.
Serokê Giştî yê PAKê rêzdar Mustafa Özçelik xêr hatina herdu heyetan kir.
Herdu heyetan jî di hevdîtinan de, pîrozbahî û spasîya PAKê kirin.
Di hevdîtina PAK û KADEPê de, Heyeta KADEP’e got ‘’em wek îade-î zîyaret jî li vê derê nin’’. Di derbarê hilbijartinan, pirsên giştî yên Kurd û Kurdistanê û peywendîyên herdu Partîyan de guftûgo hatin kirin. Herdu alîyan jî pêwistîya pêşde birina peywendîyên PAKê û KADEPê bilêv kirin.
Hevdu dîtina PAKê û PAKURDê di atmosfereke germ de derbas bû.
Herdu alîyan jî behsa nêzîkbûna fikrên herdu alîyan yên di gelek xalên esasî de kirin û piştrast kirin ku, pêwîstî bi nêzîkbuna partî,rêxistin û dor û berên Kurdistanî heye. Herweha di derbarê hilbijartinan û pirs û pirsgirêkên Kurdistanê de bîr û rayên xwe bilêv kirin.
Hevdîtina heyeta PAKê û KADEPê jî ya PAKê û PAKURDê jî bi awayekî dostanê, berhemdar û welatperwerane derbas bû. 13.02.2015
Serokê PAKê Li Amedê Seredana Komeleya Xwenasîyê Kir.
Serokê Partîya Azadîya Kurdistanê(PAK) rêzdar Mustafa Özçelik li gel Cîhgirê Serokê Giştî yê PAKê rezdar Nuri Sınır û endama Bireveberîya Navendîya PAKê rêzdar Nesrin Askar îro(13.02.2015) li Amedê seredana Komeleya Xwenasî ya Amedê kir.
Heyeta PAKê ji alîyê, Berdevkê Komeleya Xwenasîyê rêzdar Fikrî Amedî , Serokê Komeleya Xwenasîyê yê Şaxa Amedê rêzdar Burhan Sulun û endamên Komeleya Xwenasîyê rêzdaran Dizdar Aytek û İdris Yıldırım ve hate pêşewazî kirin.
Serokê Giştî yê PAKê rêzdar Özçelik,bal kişand ser girîngî û pêwîstîya dan û stendin û dîyalog û yekitiya dor û berên Kurd û Kurdistanîyan . Herweha got ‘’jibo hûnandina yekitiîya neteweyî jî, divê her kes rêzê li bîr û bawerî , fikir û siyasetên cuda bigire.Divê em hevdu qebûl bikin.’’
Berdevkê Komeleya Xwenasîyê rêzdar Fîkrî Amedî jî, jiber vê zîyaretê spasîya xwe bilêv kir û pîrozbahîya PAKê kir. Rêzdar Fîkrî Amedî, pêwîstîya dîyalog û rêz girtina di nava Kurdan de bilêv kir û got ‘’ Bîr û bawerî û fikrên cuda dewlemendîya civata me ye. Divê her Kurdistanî jibo jiyandin û geş kirina van nirxên heyî pêkve xebatê bimeşînin’’
Hevdîtina PAKê û Komeleya Xwenâsîyê di atmosfereke dostane, germ û bi sohbeteke berhemdar derbas bû.
Berdevkê Komeleya Xwenasîyê rêzdar Fîkrî Amedî, wergêra xwe ya bi navê ‘’QUR’ANA KERÎM Û MEALA WÊ YA KURDÎ’’ hedîyeyî Serokê Giştî yê PAKê rêzdar Mustafa Özçelik kir. Rêzdar Özçelik jî spasîya wî kir.13.02.2015