Helbestek: Helepçe

 

 
 
HALEPÇE 
 
Qelb û cîger bo min birîn 
Dîsa şahî li me xemgîn 
Îro Helepçe tu bibîn  
Zar û jin û tev digirîn. 
 
Hewar û zarî û qêrîn 
Qe naçe ew guhê Reygîn 
Însan nema liser zemîn 
Ku dest biavêje wan derîn. 
 
Seddam û ew Rusê leîn  
Sosyalîst in neyarê dîn  
Qe deng nake wekê berîn 
Kengî çebiye ji wan evîn. 
 
Gelî biran rabin herîn 
Ji bu Kurdan bikin girîn 
Cîhad ferde ji bo na dîn 
Herdal gazî çebiye birîn. 
 
Zalim nekarî wan biran 
Şan û şeref binavê wan 
Navê şirîn pêşmerge yan 
Ew in xwedanê bindestan. 
 
Kîmyasalê sîlahê wan  
Kafir zalim avête wan 
Zar û jin û digel kur an 
Xûn û leke li canê wan. 
 
Îro rabû li me ferman 
Ferman çêbiye bira ferman 
Hezar ceset ketine ‘erdan  
Kanî xîret kanî îman. 
 
Dayîk dikin girîn fîxan 
Ahîn dikin sed ahîyan 
Hesret a dil û cîger an 
Canê şirîn bûye qurban. 
 
Zarî dikim gelî biran  
Qaim bibin liser Qu’ran 
Kafir hemû neyar bizan  
Xûnxarin rast û çepê wan. 
 
De bes razê veke çav an 
Sivik biavêje çend gav an 
Hevra bibin hemû cîyan 
Tu car nenêr li taxut an. 
 
Hewar dike NÎZAM bizan 
Selam dike hemû biran  
Bîr nekin zilma xûnxaran 
Berhev bibin ji bo jiyan. 
 
19.03.1988 
  
Nîzameddîn Yakişi 

Nêrînek

  1. Helbesteke hêja û xweş, xweşiya wê a zêdetir ev e ku ji aliyê dersdarekî Medreeya Kurdî ve hatiye nivîsandin. Spas Seydayê hêja, tu her bijî û xameya te her taze û terr be…

Bersiv :

Nêrîna te
Nav: