Gotara serokê Kurdistanê di medya tirkî de deng veda

Dengvedana gotara serokê Kurdistanê Masûd Barzanî, ya ku li Hewlêrê di kongreya kurdên rojava de pêşkeş kirî, di mediyaya tirkî de:

– Kurdên Sûriyê li Hewlêr in

– Barzanî bo kurdê Sûriyê: Yekbigrin

– Barzanî piştgiriya kurdên Sûriyê dike

– Barzan: Serdema çek û şidetê çû

– Barzanî bang li kurdên Sûriyê kir hevbigirin

– Ji aliyê Barzanî ve peyamek bo kurdên Sûriyê

– Barzanî bo kurdên Sûriyê: Ji bo her guhertinekê amade bin

–  Barzanî partiyên kurdêm Sûriyê li Hewlêrê anîn ba hev

– hevpeymaniya kurdan li hember Beşar Esed

– Barzanî: her biryarake bidin, em piştgiriyê lê dikin
 
 
IHA

Mesûd Barzanî rêxistinên kurdî yên opozisyona sûrî li Hewlêrê anîn ba hev û jê re got: ji bo her guhertinekê amade bin û bi awayekî yekrêzî û yekgirtî kar bikin.
Mesûd Barzanî serokê herêma Kurdistana federal, beşdarî konfrensa partiyên opozisyona sûrî kir û gotarek pêşkeş kir û di gotara xwe de got: Pêwîste partiyên kurdî li Sûriyê yekdeng bin û mafên xwe bêy şidetê bidest bixin.

http://haber.ihlassondakika.com/haber/Taraf-Gazetesi—Esada-karsi-kurt-ittifaki—4989_450383.html
 
 
TRT

Barzanî: Serdema çek û şidetî çû
Mesûd Barzanî serokê desthilata herêma bakurê Îraqê beşdarî konfrensa kurdî li Hewlêrê kir û di peyvekê de got:
– Pêwîste kurdên Sûriyê ku nifusa wan digihîke 2 milyon kesan, xwe ji  bo her guhertinekê amade bikin. Em destêwerdanê di karûbarên Sûriyê de nakin. Serdema çek û şidetî nema û êdî tu kes nikare hebûna kurd înkar bike.
Barzanî herwesa di konfrensê de daxwaz ji partiyên kurdî kir yekbigirin.
 
http://www.trt.net.tr/trtavaz/silah-ve-siddetin-zamani-gecti–haber-detay,tr,26139.aspx
 
 
EURO NEWS

Barzanî: Îsal konfrensa netewî ya kurdî tê saz kirin
 Nuha konfrensa kurdên Sûriyê li Hewlêrê tê saz kirin û dê 3 rojan berdewam be. Konfrens bi beşdarîkirina Mesûd Barzanî serokê desthilata herêma kurdî dest pê kir û konfrens li jêr nave (diyarkirina çarenivîs, sûrîyayeke demokratîk û destûrek ku daxwaziyên kurd garantî bike) dest bi karên xwe kir.

Barzanî di konfrensê de gotarek pêşkeş kir û têde îşaret bi çêkirina konfrensa netewî ya kurdî di îsal de kir û got ku ji bilî ku armanc ji wê ew konfrenê yekgirtina kurdan e, di heman demê de dê peyama aşitiyê ji dewletên cîran û cîhanê re bişînin.

Barzanî herwesa îşaret bi wê yekê kir ku partiyên kurdî li Sûriyê her biryarekê bidin, ew piştgiriyê lê wê biryarê dikin.
 
http://tr.euronews.net/ajans/1353638-barzaniden-kuert-partilere-birlik-cars/
 
 
HABERLER.COM
 
Barzanî peyamek ji PKKê re şand
Konfrensa kurdên Sûriyê bi beşdariya Mesûd Barzanî serokê desthilata herêma kurd û Berhem Salih serokwezîrê desthilata kurd dest bi karên xwe kir û di konfrensê de Barzanî bi rêya kurdên sûrî peyamek ji PKKê re şand û got:

– Serdema çek û şidetê nema û hûn xwe ji şidetê dûr bikin û mafên xwe bi rêya diyalogê bi dest bixin, xwe ji hizbatiyê dûr bikin û berjewendiyên gel di ser hemû tiştekî din de deynin.
Barzanî got jî ku êdî tu kes nikare hebûna kurdan înkar bike.
 
http://www.haberler.com/barzani-den-pkk-ya-ince-mesaj-3309883-haberi/

Rojevakurd

Bersiv :

Nêrîna te
Nav: