Gelo kî li pişt bûyera Tatlises e?

Dema êrîşa çekdarî li dijê Ibrahîm Tatlises çêbû yî piştî du rojan kesê ku ev êrîş pêkanî girtin. Di destpêkê de hinek ji medya tirkî ragihandin ku, destê PKK-ê di nav vê bûyerê de heye. Heta TAK di vê derbarê de beyanek belav kir û got ku wan ev êrîş pêkanîye.

Lê KCK-ê di vê derbarê de daxuyaniyek belavkir û da xuyakirin ku bi tu awayî pêwendiya wan bi vê pirsê re tune ye. Herweha hinek kesan jî gotin destê kurdên Başûr di vê bûyerê de heye,lê daxuyaniyên serokatiya herêma Kurdistanê û herweha daxuyaniya şirîkê Tatlises li Başûrê Kurdistanê ev îdiayên medya Tirkî vale derxistin.

Lê Piştî du rojan kesek naskirî yê mafia Tirkî hate girtin û hate ispatkirin ku kesek bi nave Abdullah Uçman(Adanali Apo) ji ber dijminatiya 10 salî ev êrîş li dijê Tatlises kiriye. Herweha Abdullah Uçman û 20 zilamên wî hatin girtin.

Niha li gora îdiayên polisan di navbera Abdullah Uçman û berpirsek yê KCK-ê li Stanbulê pêwendiyên telefonî çêbûne û di van pêwendiyan de behsa Tatlises jî hatiye kirin. Piştî zanîna pêwendiyên telefonî li gora ku polisa ragihandî hinek kesên nêzikî KCK-ê hatine girtin. Ji bo vê jî baweriyek çêbuye ku Ji bo vê êrîşê KCK-ê Abdullah Uçman ikna kiriye.

Rastiya vê baş nayê zanîn, lê heta niha yê eşkere Uçman û zilamên xwe ne. Dê rojên pêşiya me de ev pirs zelal tir bête dibe.
Bê goman daxuyaniya KCK-ê ji bo raya giştî bingehîne. Mimkine ku li ser van îdiayên dawî KCK cardin pêwistiya daxuyaniyekî ji bo raya giştî bibîne.