Festîvala Feqiyê Teyran

FESTÎWALA FEQIYÊ TEYRAN
19-21 Heziran 2010-05-23

 

Îsal jî Festîwala Feqiyê Teyran li Miksê çêdibe û dê sê roj dom bike. Ev Festîwal ji aliyê Parlemana bajarê Wanê xanima hêja Golşen Orhan, Şaredariya Miksê û Wîlayeta Wanê ve tê kirin.

Salek berê jî eynî Festîwal û bi eynî mebestê hatibû çêkirin. Lê belê zêde di medyaya Kurdî û ya Tirkiyê de nehatibû nasandin. Îsal hinekî zêdetir danasîna wê hatiye kirin û ji gelek herêm û welatên cuda, şexsiyetên xuyanî û pisporên Çanda Kurdî û Tirkî hatine vexwendin.

Li gor ku hatiye ragihandin, çend siyasetmedar ji Yekîtiya Ewrûpayê, gelek nivîskar û rewşenbîr ji hin welatên Ewrûpayê ku piraniya wan Kurd in, herweha revdeyek nivîskar û rewşenbîr ji Başûr, Rojhilat û Rojavayê Başûrê Kurdistanê wê beşdarî di Festîwala Çandî ya Feqiyê Teyran de bikin. Ji nava Tirkiyê jî wê gelek rojnamevan, nivîskar û rewşenbîrên Tirk beşdarî Festîwalê bibin û li ser jiyana Feqiyê Teyran axaftinên cuda bikin. Di nava beşdarên Festîwalê de çend profesor, hin doçent, pispor, hunermed, siyasetmedar, wezîr, parleman, lêkolîner û rojnamevanên xuyanî jî hene. 

Li gor bernameya Festîwalê ku hatiye diyarkirin, roja 19ê Hezîranê Festîwal li bajarê Wanê, herdu rojên din jî li Miksê; rojek li ser gora Feqiyê teyran û li keviya Çemê Mezin, roja din jî bi axaftin û şano û wekî din têne domandin.

Îcar ji ber ku Otêl li Miksa Mîran hêj nehatine çêkirin, pêşwaziya beşdarên Festîwalê dê her li gor Toreya Kurdî û bi kurdewarî bête kirin; ango her maleke Miksî dê çend beşdaran li ba xwe wek mêvan vexwendî bike û li gor tewrên mêvanpertiya Kurdan xwarin û vexwarina wan bidin û wekî din xizmeta wan bikin.

Li gor min, tiştê herî balkêş û ku Festîwalê jî wê şêntir û bihadartir bike, ev mêvanpertiya nişteciyên Miksê ye.

Zeynelabidin Zinar
Nivîskar/lêkolîner
[email protected]


Ev e bernameya Festîwalê li Jêrê ye:

Roja 1

FEQIYE TEYRAN KI YE? Zeynelabidin Zınar –İSVEÇ
FEQIYE TEYRAN u MÎR  Kadrî Yildirim- DİYARBAKIR
FEKQIYE TEYRAN  XWEZA u TEYR – Bejan Matur – İSTANBUL

Roj 2

Runiştina 1’é
FEQIYÊ TEYRAN û MELAYÊ CIZÎRÎ Tahsin İbrahim Doski IRAK
FEQIYE TEYRAN u FOLKLOR Hemid Kilicarslan -MARDİN
FEQIYE TEYRAN u EDEBİYAT  Alaattin Karaca- VAN
FEQIYE TEYRAN u FELSEFEYA ROJAVAYÊ  Abdulbasit Seyda –İSVEÇ
FEQIYE TEYRAN  u SEN’ET  Mehmet Çelik-İATANBUL

Runiştina 2’yé
FEQIYE TEYRAN  u TESEWUF İhsan Süreyya Sırma- VİYANA
FEQIYE TEYRAN u ZANIST Fehim Işık -İSTANBUL
Dİ HELBESTA FEQIYE TEYRAN DE HEZA EDEBİ  İsmet Habur –IRAK
JI BERE VE GOTINEN LI SER FEQIYE TEYRAN  Halit Sadini-HAKKARİ
FEQIYE TEYRAN u XELK  Muhsin Kızılkaya- İSTANBUL

Nerîna min :