Wezîrê Derve yê Tirkîyê Mewlûd Çawîşoglu, di derbarê armancên Tirkîyê de got ku Amerîka yan jî welatekî din nikare van terorîstan rizgar bike. Ew ji bo me armancek meşrû ye û emê rê nedin wan ku dewletek terorê yan korîdorekê ava bikin.
Çavuşoglu di weşana zindî ya Lider Haber TVyê de rojev nirxand û bersiva pirsan da.
Çavuşoglu anî zimên ku “Hin welatên rojavayî dixwazin li Sûrîyê korîdora terorê çêbikin û li wir piştgirîyê didin PKK/YPGyê. Operasyonên me ji bo wan tehdîd in”.
“DYA û welatek din nikare van terorîstan rizgar bike”
Çavuşoglu destnîşan kir ku Tirkîye yek ji wan welatan e ku herî zêde piştgirîyê dide yekîtîya axa Sûrîyê û destnîşan kir ku ev mijar ji bo Enqereyê xwedî girîngiyek jiyanî ye.
Çavuşoglu, diyar kir ku “divê di mijarên wek vegera Sûrîyeyîyan, têkoşîna dijî terorê û dewamkirina alîkarîyên însanî de bi rejima Esed re hevkarî bê kirin. Ger li Sûrîyê aramîyek mayînde hebe û rêveberîya Sûrîyê bigihêje kapasîteya ku ji nû ve Peymana Edeneyê pêk bîne, wê ev yek pêk bê”.
Çavuşoglu bal kişand ser operasyonên Tirkîyê yên li dijî hedefên terorê û wiha got: “Amerîka yan jî welatekî din nikare van terorîstan xilas bike. Em ê bidomînin. Ji bo me hedefek rewa ye û emê destûrê nedin ku dewlet û korîdorek terorê ava bikin. Ev yek ji bo Iraq û Sûrîyê jî derbas dibe”.
Çavuşoglu destnîşan kir ku plana Amerîkayê ya li Sûrîyê ew e ku ewil korîdorekê çêbike, neftê bi rêya wê korîdorê ragihîne behrê û paşê bikişîne bazarên navnetewî û wiha got: “Ev ji bo kê ye? Ji bo YPG/PKK ye. Niha herêma bakurê rojhilat parçe dikin. Heger derfet hebe dixwazin wê korîdorê çêbikin, lê dibînin ku ev yek ne pêkan e”.
