Partiya Komunîst a Kurdistan KKP, bi minasebeta 96min salvegera darvekirina serokê tevgera netewî ya 1925ê Şêx Seid û 47 hevalên wî daxûyaniyek ragihand.
Daxûyaniya KKP:
EM Ê ŞÊX SEÎD Û 47 HEVALÊN WÎ JI BÎR NEKIN!
Em di 96emîn salvegera darvekirina Şêx Seid û 47 hevalên wî de, hemûyan bi rêzdarî bibîr tînin!
Em rejîma nijadperest ku cezayê darvekirinê da, bi tundî şermezar dikin!
Ji bo gelê me, darvekirina Sêx Seîd û hevalên wî, bê guman, birînek mezin a siyasî û çandî ye. Li mixabin rastiya ku hîn jî gorên Şêx Seîd û 47 welatparêzan ji malbatên wan re nayê ragihandin, birînek civakî û siyasî ya mezintir e!
Li dewleta Tirk de navê hukûmetan;
Gelo; CHP, DP, AP, MSP, ANAP, DYP an jî AKP be
Gelo; Kemalîst, “demokrat”, kevneperest, “sosyal demokrat” be
Gelo; Îslama Sîyasî an jî laîk be…..
Ew berpirsiyar in ku di pirsgirêka Kurd de siyaseta dewletê bicîh bînin. Ewqas!
Ji ber vê sedemê, tu desthilatdarî ya partîyek ê nikaribûn goristanên Şêx Seîd û 47 hevalên wî jî nişan bidin. Em şermezar dikin.
Banga KKP’e ewe, di demek kurt de gorên Şêx Seîd û 47 welatparêzan radestî malbatên wan bikin.
28.06.2021
Partiya Komunîst a Kurdistan KKP
