Dîwana N. Mîro „Dilop" ji nav weşanên HAN derket

Dîwana Newaf Mîro ya bi navê Dilop ji nav weşanên HAN derket.

Nivîskar û şairê Kurd Newaf Mîro di dîwana xwe ya bi navê Dilop de gelek mijarên cûr be cûr  yên civakî bi kar anîne. Ji çalakiyên berxwedanên ji zîndanên Amedê heta şervanekî enternasyonalîst yê ku di çiyayên Kurdistanê de merama mirovayetiyê digere, ji evînên destlênedayî heta êş û kovanên viyandariyê yelpazeyeke berfireh di nav sewaneyên Mîro de xwe diherîkinin. Zimanekî rihet û ûslûbeke herikbar xwe di nav 33 helbestên helbestvanî de xwe destnîşan dikin.

 

Dîwan ji 33 helbest û 84 rûpelan pêk dihê.

Her wisa romaneke Newaf Mîro jî li ber çapê ye û ew jî ji nav weşanên HAN wê derkeve pêşberî xwendevanên Kurd.

 

Nasnameya dîwanê wisa ye:

 

Dilop  * Newaf  Mîro

© Newaf  Mîro * Han-Grafik

Ji Weşanên Han Çapa 1.

Berlîn/Cotmeh-2010

Weşanên Han – 51

Helbest- 20

Edîtor: Zeynel Abidîn Han

Berg Design: Gazîn Onur Han

Çap û Girêdan:

HAN-GRAFIK Verlag & Werbeagentur

Cranaçstr. 62 12157 Berlîn

Tel.: 00 49 (0) 30 47987052

Fax: 00 49 (0) 30 47987054

www.evra-kitap.com

[email protected] Ev e-mail ji ber spambots hatîye parastin, ji bo dîtina vê gerek JavaScript vekirî be

 

ISBN: 978-94040997-16-6

KNN/Nahê Xan

Kerem bikin helbesteke ji dîwanê:

 

HEZN

 

ma tu heyî tu..

min dîmenê  te, bi pitikên çavên xwe

li kûraya hişê xwe de qeydkir

û ez qet ji bîr nakim

rengê te ji gul, sosin û beybûna bedewtir e

çendku ew ji te diafirin

bedewa bedewan

ma tu heyî tu

min ew bêhna te bi rêya henasa xwe

di qoziya herî asê, ya  mejî yê xwe de bi cih kir

û qet nayê jibîrkirin

bêhna te ji gul û binevşan

û ji barana payizê û bi bayê re,

ji bêhna ax, tav û avê xweştir e

çendku tu ew dîmen bixwe yî

li her deverê ez li te digerim

delala delalan

 

ma tu heyî tu

min ew reşgirêdana te û pêçeka rêsayî

qet  jibîrnekir

û  ew evînkuj

rengkuj

dengkuj

bêhnkuj

asokuj

û dîlankujên li ser sînga te

û jibîr nabin, nabin neynika mezopotamya

 

ma tu heyî tu

te ez melankolî û sewsî kirime

hêsirên çavên te

dil û kezeb tev kul  kirin

û ez her şepşepokiyê  te bi xwe me

hezn bûye warê hevşabûna me

em bi hêsirên çavan kela dilê xwe vedimirînin

û hêsirên me, me bi hev digihînin

lê tu heyî tu

min ji te û rengên te  pir hezkir

lê ma kengê ezê, kenê li ser dev û rûyê te bibînim?

tu kurdistan û laliş a minî

dergûşa gîyanê minî

ji xwe bê te ez hebim jî,

dîsa ez tune me..

 

06.01.10

Nerîna min :