Divê nûnerên me li Bexdayê berevanîkarên dijwar ên mafên xelkê Kurdistanê bin

Serokwezîrê Herêma Kurdistanê Mesrûr Barzanî di çarçoveya merasîma vekirina sayoloya Kelar de gotarek pêşkêş kir.

Serokwezîrê Herêma Kurdistanê Mesrûr Barzanî di gotara xwe de ragihand: “Germiyan gelek qurbanî di berevanîkirina di ber xaka Kurdistanê de dane û xwedî bi hezaran şehîd e û rûbirûbûyî enfal û komkujiyan bûye.”

Herwiha got: “Erkê me hemûyan e xizmeta hemû navçeyan bikin. Ev proje, beşek ji projeyên stratejîk ên Hikûmeta Herêma Kurdistanê ji bo dirustkirina jêrxaneya aborî li Kurdistanê ye.”

Destnîşan kir jî: “Ev proje ewlehiya xwarakê ya Herêma Kurdistanê dabîn dike û dibe jêrxanek ji bo pêşketina sektorên din ên aboriyê li Kurdistanê.”

Serokwezîr Mesrûr Barzanî got: “Eger sektora çendiniyê bi pêş bikeve, dê sektorên pîşesazî û bazirganî jî vejînê bibînin.”

Herwiha got: “Stratejiya Hikûmeta Herêma Kurdistanê, drustkirina projeyên mezin û firehkirina jêderên dahatê ye.”

Diyar kir jî: “Germiyan her dem pêşeng bû di berevanîkirina li Kurdistanê. Xweragiriya xelkê Germiyanê hîşt em hemû serbilind bin.”

Serokwezîr Mesrûr Barzanî da zanîn: “Ji destpêkê ve me 126 milyar Dînar ji bo çend projeyên stratejîk ên curbicur li Germiyanê terxan kir.”

Diyar kir: “Çendîn projeyên din jî li Germiyanê hene, ji wan jî riya Kelar – Kifrî û Kelar – Derbendîxanê. Hêvîdar im ew di demeke zû de bêne temamkirin.”

Serokwezîr Mesrûr Barzanî got: “Min guhdariya daxwazên îdareya Germiyanê kir û gelekê kêmanî di xizmetguzariyên bingehîn de hene. Pirs ew e, çima heta niha ez xizmetguzarî negihîştine xelkê.”

Herwiha got: “Em hemû fermanber in, ti minetek jî tê de nîne eger em bi xema xelkê de bin û erkê xwe cibicî bikin.”

Serokwezîr Mesrûr Barzanî got: “Erkê Hikûmeta li hemû navçeyên Kurdistanê heye. Berpirsatiya Hikûmetê ye bikare çawa rêkxistina karûbarê xwe bigire destê xwe.”

Diyar kir jî: “Em li ser wê rijd in ku desthilata yasayî ya Hikûmetê bi ser hemû navçeyan de bisepînin, ev jî serwerêkirina yasaya ye, ne xwesepandine.”

Tekez kir jî: “Her hewlekê didim ji bo xalên sînorî bi awayekî werin birêkxistinkirin û Hikûmet bikare kontrola wan sînoran bike û dahata wê ji xelkê vegere.”

Serokwezîr Mesrûr Barzanî got: Ewê di karîna Hikûmeta Herêma Kurdistanê de be, bi piştrastî em ê wê cibicî bikin.”

Herwiha got: “Beşeke mezin ji mafên xelkê Germiyanê, ji aliyê Bexdayê ve hatine binpêkirin. Pêwîst e Bexdayê destûrê cibicî bike.”

Serokwezîr Mesrûr Barzanî got: “Ez nehatime bangeşeya hilbijartinê bikim, lê belê hatime xizmeta we bikim.”

Destnîşan kir: “Pêwîst e nûnerên me li Bexdayê berevanîkarên dijwar ên mafên xelkê Kurdistanê bin. Pêwîst e nûnerên me bi hev re kar bikin û hewl ji bo cibicîkirina destûrê bidin.”

Herwiha got: “Pêwîst e ew nûnerên diçin Bexdayê, tekeziyê li ser cibicîkirina destûrê û qerebûkirina enfalkiriyan bikin.”

Serokwezîrê Herêma Kurdistanê got: “Daxwaz ji hemûyan dikim, wan nûneran ku bi baweriya we dê xizmetê bikin û xwe bikin qurbaniyên bidestanîna berjewendiyên welat û xelkê Kurdistanê hilbijarên.”

Destnîşan kir jî: “Hîna qeyrana aboriyê maye û Korona jî berdewam e. Daxwazê ji we dikim bi Hikûmetê re hevkar bin. Hikûmet û welatiyan bi hev re dikarin welat ber bi qonaxake geştir û aramtir bibin.”

Nerîna min :