Divê Altan medya kurdî bibîne

Ahmet Altan di nivîsa xwe ya rojnama Tarafê de rexnê li Medya Tirkî û Kurdî dike. Dema mirov lê dinêre Altan tiştên rast dinivîsê û kesên ku Altan nas dikin dizanin ku ew gotinên xwe ji baweriyekî dibêje û kesayetek xwedî dilek pakije û di mercên Tirkiye de gelek jî miranî dinivîsîne.

Lê di nivîsa Ahmet Tan ya ku medya kurdî jî rexne dikê de kêmasiyek heye. Medya Kurdî bi tenê ne medya PKK-ê ye. Ji derê medya PKK-ê hinek rojname û malperên din jî hene. Lê Tirkiye kemasiyek mezin ewe ku piraniya wan medya kurdî ya ku bi zimanê kurdî derdikeve taqîp nakin. Ji bo wê jî piraniya caran dema behsa medya Kurdî tê kirin ew medya Kurdî ya ku bi zimanê Tirkî weşanê dikin muxatab tê standin. Piranî jî medya ku di kontrola PKK-ê de ye.

Eger Ahmet Altan û ew nivîskar û rewşenbîrên Tirkan medya Kurdi ya ku bi zimanê kurdî weşanên xwe dikin taqîp bikin, dê ew helwesta kurdên ji derê PKK-ê çêtir têbigihin û wê hingê di nirxandinên xwe yên di derbarê pirsa kurd de objektîf tir bibin.

Nivîskarek wek Ahmet Altan divê medya kurdî ya bi zimanê kurdî bibîne û hewlbide bi awayekî bizanibin ku, ka gelo siyasetmedar, rewşenbîr û kesayetên kurd yên ku kurdî dinivîsînin li himber bûyeran çi helwestê digrin û bîr û baweriyên wan çine. Bawere dê ev yek taybetî di derbarê pirsa kurd de perpektîfa wan berfirehtir bike.

20.07.2010
Dara Bilek

Nêrînek

  1. Medyaya Apoyiyan helbet di bin siya Ergenekonê de weshana xwe dike. PKK hêzeke kemalîst e. Evanan em hemî dizanin.\r\n\r\nLê taybetiyeke chapemenî yan medyaya PKKê heye ku yekdeng in. Ango di dîktatoriyan da bi darê zorê be jî yekdengî chêdibe. Ez nabêjim ev tishtekê rind e.\r\n\r\nKekê Bîlek, mihalefeta Kurd (devedorên ne PKKyî ne) di nava xwe de nikare keriyek pez jî bajo. Ma ne wisa ye?\r\n\r\nEva ye malpera we di nûcheyekê xwe de înkariya Kurdistanê kiriye. Nexsheyek aniye bi navê Kurdistanê pêve kiriye. Di vê nesheyê de, gelek parêzgeh û bajarên Kurdistanê nînin, ango wekî axa Tirkan hatiye nîsandan.\r\n\r\nKekê hêja heger yekê xerîb were bêje “ka ji min re nîshan bidin kê der e Kurdistan?” dê her ji malperek me derekê bide nîshandan.\r\n\r\nDê kê qîmetê bide me? Heger em nizanibin Kurdistan chi ye û kê der e û li ser wê bi hevûdu nekin, xelkê dê bi me bikene.\r\n\r\nEz psîkologiya pirraniya ronakbîrên me dizanim, hez ji rexneyan nakin. Ji bo bersîvekê nedin, xwe kerr û lal dikin. Helbet cenabê we tenzîh dikim. Hûn mirovekî demokrat in.\r\n\r\nEz carnan nûcheyên malpera we jî rexne dikim. Gelek bash e malpera we. Kêmasiyên we yên ziman jî gelek kêm in.\r\n\r\nANF Ajans kê dibêje chi bila bêje, erd û ezman bilerize guh nade Kurmancî. Sond xwarine dê Kurmancî xirab bikin. Ez êdî wan rexne nakim, lewra wekî ajanseke dost nabînim.\r\n\r\nEm qet nebe li ser hin tishtan yekîtiyekê ava bikin. Chi ne ew? Nexsheya Kurdistanê ango axa standard a welatê me, alaya me, ziman û zaraveyên me yên standard bibin yek.\r\n\r\nArmanca min ev e. Ne ti tishtekê din e. Lê mixabin min bi salan in dît ku hin destên tarî ketine nava me, nahêlin ti tishtekê me bibe standard.\r\n\r\nHer bextewar bin. Bimînin di xweshiyê de.

Nerîna min :