Dibe ku DEMnavê xwe biguhere! Pêşniyara herî bi hêz eve..
Partiya DEMê amadekariyên pêvajoyek ji nû ve avakirinê ya radîkal dike, DEM nav û logoyê jî diguhere. DEM plan dike ku, di meha Cotmehê de kongreya xwe li darbêxe.
Ji bo navêpartiyê yê nû navên cuda têne gotubêjkirin. Di nav wan de navê “Partiya Komara Demokratîk” derdikeve pêş. Di vê pêvajoyê de li gora hinek agahiyan, dê çûyîn hatinên Îmralî gelektir bibin. Ji xwe hêdî Îmralî wek ofîeke taybet ya Ocalan di bin çavderiya MITê de karê xwe dike.
Dibêjin armanc bi guhertina nav ûlogoya partiyê ewe ku, avahiyek siyasî ya nû were afirandin ku bala bingehek berfirehtir bikişîne.
Hewldanên ku ji bo bidawîkirina tevahî ya “terorîzmê” û xurtkirina siyaseta demokratîk hatine kirin, di nav Partiya DEM de veguherînek girîng bi xwe re anîye. Li gorî agahiyên ku ji çavkaniyên partiyê hatine wergirtin, dibe ku guhertinên radîkal ên hem di awayê rêxistinî de û hem jî di nasnameya partiyê de di kongreya asayî ya ku ji bo Cotmehê tê plankirin de di rojevê de bin.
“Rêveberiya” partiyê bawer dike ku bi tevahî bêbandorkirina çekan û vekirina bêtir cîh ji bo çalakiyên siyasî, modelek rêxistinî ya nû hewce ye. Ji bo vê armancê, amadekariyên ji bo avahiyek nû têne kirin ku dê bala bingehek civakî ya berfirehtir bikişîne.
Li gorî raporên di paşperdê de, Partiya DEM ne tenê guhertina rêxistina xwe ya navxweyî, lê di heman demê de guhertina nav û logoya xwe jî difikire. Di nîqaşên di nav partiyê de, nêrîna serdest ev e, “Ger serdemeke nû be, her tişt dikare were guftûgokirin. Çima ne navekî nû ?” Yek ji pêşniyarên navî yên sereke di vê çarçoveyê de Partiya Komara Demokratîk e. Çavkaniyên partiyê di derbarê vî navî de sînyalên erênî dane û gotine, “Em dixwazin hewl bidin ku welatekî demokratîktir biafirînin.”
Serokatiya partiyê hêvî dike ku di serdema pêş de hevdîtinên bi Îmraliyê re zêde bibin. Li gorî raporan, şandeya Îmraliyê dê piştî gerên partiyên siyasî serdana giravê bike. Wekî din, tê payîn ku endamên Komîteya Rêveberiya Navendî ya Partiya DEMê jî berî dawiya Tîrmehê serdana giravê bikin. Li gorî agahiyan, rojeva sereke ya vê serdanê dê pêvajoya kongreyê û guhertinên avahîsaziyê yên ku werin kirin be.
ARMANC: VEKIRINA DEMOKRATÎK Û NORMALÎZKIRINA SIYASÎ
Armanca Partiya DEM ev e; “Ji bo avakirina partiyek siyasî ku ji qalibê herêmî xwe xilas bike û daxwaza demokratîkbûnê li seranserê Tirkiyeyê bi rê ve bibe pêwîste. Çavkaniyên partiyê dibêjin ku ev veguherîn gavek stratejîk e ku armanc dike ku hem avahiya rêxistinî û hem jî têgihîştina raya giştî biguherîne.”
