CivakRojev

Destê wan dayîkên serbilind maç dikim…

Bi minasebeta 39.salvegera komkujî û enfalkirina 8 hezar barzaniyan serokê herêma Kurdistanê peyamek ragihand. Nêçîrvan Barzanî dibêje: Çawa ku hemû tawan û karesatên dîrokê nekarî îradeya jiyan û jiyanê ya gelê Kurd bişkîne, wendabûn û Enfalkirina Barzaniyan jî hêzek mezintir da berxwedana gelê Kurd û têkoşîna azadiyê.

Peyama Serokê Herêma Kurdistanê:

Îro di 39. salvegera jenosîd û enfalkirina 8 hezar xort û mêrên sivîl ên Barzanî de, em bejna xwe li hember canê qurbaniyên Enfalê ditewînin û bi rêz û hurmet wan bi bîr tînin.

Em silav li malbat û xizmên wan dikin ku piştî vê tawan û karesatê jiyaneke pir dijwar û tal derbas kirin û bi hezaran dayikên serbilind, bi tenê û bêçare, erka mezinkirina zarokên xwe girtin ser milê xwe û nifşekî dilsoz mezin kirin. Ev dayik serbilind in û ez destên wan maç dikim.

Çawa ku hemû tawan û karesatên dîrokê nekarî îradeya jiyan û jiyanê ya gelê Kurd bişkîne, wendabûn û Enfalkirina Barzaniyan jî hêzek mezintir da berxwedana gelê Kurd û têkoşîna azadiyê.

Îro bi vê minasebetê ku em termê 100 qurbaniyên Enfalê dispêrin axa pîroz a welat, dil, hiş û xeyala min li gel dayîk, jin, xwişk, zarok û xizmên enfalkiriyan e. Spas ji bo xelkê qehreman ên Hewlêrê û hemû kesên ku alîkariya malbatên qurbaniyên Enfalê kirin.

Silav li ser giyanê şehîdan be.

Nêçîrvan Barzanî

Serokê Herêma Kurdistanê

2022/7/3

Back to top button