Cîgira hevseroka Giştî ya DEM’ê Sevtap Akdag û Şaredarê Kayapinarê Cengîz Dundar hatin girtin

Cîgira hevseroka Giştî ya DEM’ê Sevtap Akdag û Şaredarê Kayapinarê Cengîz Dundar jî di nav de 9 kesên ku di çarçoveya lêpirsîna Enqereyê de hatibûn binçavkirin hatin girtin.

Îfadeyên dozgeriyê yên siyasetmedar, parêzer û parêzvanên mafên mirovan ên ku di çarçoveya lêpirsîna Enqereyê de hatibûn binçavkirin bi dawî bû. Piştî karên dozgeriyê şikbar bi daxwaza girtinê sewqî dadgehê hatin kirin. Heyeta dadgehê cîgira Hevseroka Giştî ya Partiya Wekhevî û Demokrasiyê (DEM) Sevtap Akdag, Hevşaredarê Kayapinarê Cengîz Dundar, Hevserokê Komeleya Mafên Mirovan (ÎHD) Nîmet Tanrikulu, Serokê Genel-Îş Remzî Çalişkan, guhdarî kir û îfadeya wan wergirt. Piştre jî biryara girtina wan da.

Endamên Komeleya Hiqûqnasên Hemdem (ÇHD) Şiar Rişvanoglu, Erdal Guzel, Faruk Ayhan û Recep Şîmşek bi kontrola edlî hatin berdan.

Di vê derbarê de Serdozgeriya Komarê daxûyaniyek ragihand û dibêje: Ji 35 gumanbarên rêxistina terorê FETO/PDYyê 33 kes hatin girtin û binçavkirin; 14 şikbar hatin girtin, 12 jê bi bandor poşman bûn, 7 jê ji ber delîlên heyî, 19 şikbar jî di bin kontrola edlî de hatin girtin, ji bo 2 gumanbar jî biryara girtinê hat dayîn.

Ji 15 gumanbarên PKK/KCKya rêxistina terorê 14 kes hatin girtin û binçavkirin; “Bi rêzdarî ji raya giştî re hat ragihandin ku 9 gumanbar hatin girtin, 5 gumanbar hatin girtin di kontrola edlî de, 4 ji wan ji ber delîlên berdest, 1 kes ji ber rewşa wî ya tenduristiyê, ji bo 1 gumanbar jî biryara girtinê hat dayîn.”