Çêkirina Monomentek bo Helbeceyê li Holendayê
Nêçîrvan Barzanî serokwezîrê Kurdistanê, îro roja çarşemiyê 20.02.2013ê li bajarê Hewlêrê, pêşwazî li şandeyeke hikûmeta Holendayê ya bi serokatiya xatûn Renê Cones cîgira wezîrê derve yê Holendayê û berpirsa ofîsa hevahnegiya holendayî -kurdistanî kir û rewşa aloza İraqê nirxand.
Di civînekê de têkeliyên navbera herêma Kurdistanê û hikûmeta federala İraqê, pirsên hilawîstiyên navbera Hewlêr û Bexadyê û çewaniya çareserkirina wan pirsan hatin minaqeşe kirin.
Şandeya holendayî got ku, weke rêzgirtinek bo qurbaniyên kîmiyabarana bajarê Helenceyê, hikûmeta Holendayê dê monumentek li Holendauyê dirust bike.
Di warê aborî jî de, şandeya mêvan got ku, kompaniyên holendayî amadene di warê avakirina jêrxaniya (infrasturktura) aboriya Kurdistanê de, bi taybetî di warê zî raetê de, rolek mezin bilîz in.
Nêçîrvan Barzanî serokwezîrê Kurdistanê, li hember wê însiyatîva hikûmeta Holendayê ya vakirina monumentek bo qorbaniyên kîmiyabara bajarê Helenceyê, destxweşî li hikûmeta Holendayê kir û ew însî yatîv bilind nirxand.
Serokwezîrê Kurdistanê got ku, hikûmeta herêma Kurdistanê giringiyeke taybet bi warê zîraetê dide û ew dixwaz in di warê zîraetê de kompaniyên holendayî ku, şarezayî û tecrûbeyeke zengîn di vî warî de heye, li herêma Kurdistanê kar bikin.
Li dor têkeliyên herêma Kurdistanê digel hikûmeta federal a İraqê u çareserkirina dosyeyên hilawîstî jî , serokwezîrê Kurdistanê got ku, herêma Kurdistanê weke beşek ji İraqê, di wê baweriyê de ye ku divê hemû dosyeye û pirsgirêk bi diyalog û li gor destûra İraqê bên çareserkirin.
Rewşa herêmî bi giştî û rewşa Suriyeyê bi taybetî û têkeliyên Kurdistanê digel Tirkiyeyê û welatên din yên cîran mijarên din yên civîna navbera serokwezîrê Kurdistanê û cîgira wezîrê derveyê Holendayê bûn.