Cîhan

 Her yek ji Sûriye û Urdinê bi rengekê fermî hikûmeta Iraqê ji metirsiya liv û tevgera milîsên alîgirên Îranê li…

Desteya Agahdariya Ewlehiyê ya Iraqê raporên di hin medyayê û torên civakî de yên li ser daketina balafireke Amerîkî li…

Rojnameya Wall Street Journal (WSJ) ya li Dewletên Yekbûyî yên Amerîkayê îdia dike ku Serokê Dewletên Yekbûyî yên Amerîkayê Donald…

Trump ragihand ku di Komîteya Aştiyê ya Xezeyê de li ser nexşerêyek ji bo danîna çekan a Hamasê lihevkirinek hatiye…

Serokwezîrê Îsraîlê Benjamin Netanyahu red kir ku hewl bide Serokê Amerîkayê Donald Trump razî bike ku êrîşên xwe yên li…

Artêşa Iraqê ragihand ku, hêzên Amerîkî û Siûdî êrîşê çend baregehên fermî yên li deverên cuda yên Iraqê kirine di…

Serokê Herêma Kurdistanê Nêçîrvan Barzanî ji ber rûdana trafîkê ya li Sûriyeyê ku tê de 65 kes bûn qurbanî, peyameke…

Medyaya Amerîkayê ragihand ku Serokê Amerîkayê Donald Trump ferman daye artêşa welatê xwe da ku êrişên leşkerî li Îranê rawestînin. Malpera Axiosê  ku Donald Trump di nava du hefteyên borî de cara yekem e ku plana êrişê ya ku ji aliyê artêşa Amerîkayê ve hatiye pêşniyarkirin qebûl nekiriye. Beriya niha di nava 13 rojên borî de wî rojane fermana bombebarankirina armancên Îranê dida û ev ferman di nava çend demjimêran de dihatin pêkanîn. Hîn ne diyar e ka ev biryar demkî ye yan ev aramî dê bidome. Şîrovekar dibêjin ku ev biryara Serokê Amerîkayê nîşaneya xwesteka wî ye da ku derfeteke zêdetir bide dîplomasiyê. “Peyman stratejiyeke baştir e” Çavkaniyan eşkere kir ku artêşa Amerîkayê planên xwe ji bo îhtîmala destpêkirina êrişên mezin ên leşkerî amade kirine. Lê belê Trump hîn ti fermanên bi vî rengî nedane, her çi qasî hêzên ewlehiyê karibin di demeke kurt de xwe çalak bikin eger ferman ji wan re were dayîn. Trump piştî derxistina fermanê, li Koşka Spî ji rojnamegeran re ragihand ku hîn jî bijardeya domandina êrişan an jî zêdekirina wan di destê wî de ye. Wî her wiha got, “Dibe ku em hemû tiştên wan ji nav bibin.” Lê wî diyar kir ku stratejiya herî jîrane “peyman”a bi Îranê re ye û got: “Em di vê demê de bi Îraniyan re diaxivin. Bi dîtina min roj bi roj zêdetir ciddî dibin. Em amade ne û me çekên xwe rakirine da ku em gavan biavêjin lê em bi wan re diaxivin.” Trump paşê di xwarineke fermî ya Komeleya Nûçegihanên Koşka Spî de got, “Ez bawer nakim di vê demê de Îran amadeyî peymanekê be lê ez amade me ku guhdarî bikim.” Şandeya Omanê li Tehranê ye Ev biryara Trump a ji bo rawestandina êrişan, çend demjimêran piştî gihîştina şandeyeke dîplomatîk a Omanê ya roja înê ya Tehranê tê. Ev şande bi mebesta gotûbêjkirina peymaneke nû ya ji bo vekirina Tengava Hurmizê çûye Îranê. Du çavkaniyên herêmê ragihand ku di dan û standinan de pêşketinên berbiçav çêbûne. Bi gotina wan dibe ku dawiya vê hefteyê di navbera Oman û Îranê de peymanek were îmzekirin.

Artêşa Pasdaran a Îranê ragihand ku wan bi mûşek û dronan êrişî hedefên Amerîkayê yên li Urdinê û bajarê Hewlêrê yê Herêma Kurdistanê kiriye û “zerereke mezin” daye wan. Yekîneya Pêwendiyên Giştî ya Artêşa Pasdaran di daxuyaniya xwe de eşkere kir ku pêla 27an a operasyonên li dijî baregehên Amerîkayê yên li herêmê pêk hatiye. Di daxuyaniyê de hat gotin ku di êrişa li ser baregeha Amerîkayê ya li herêma Ezraqê ya Urdinê de, “zerereke giran” gihîştiye gelek balafirên şer û her wiha li cihekî ku leşker lê dimînin hatiye xistin. Aliyê Îranî ragihand ku di êrişan de gelek leşkerên Amerîkayê mirine û birîndar bûne. Pasdaran destnîşan kir ku îdareya Washingtonê windahiyên xwe yên canî vedişêre. Di daxuyaniyê de hat gotin: “Amerîka li ser hejmara miriyan li hemberî gelê xwe û welatên din ne rastgo ye. Em bangî navendên lêkolînê û medyayê dikin ku li ser vê mijarê lêkolînên meydanî bikin.” “Li Hewlêrê êrişî hedefên Amerîkayê hat kirin” Pasdaran di daxuyaniya xwe de ragihand ku li Hewlêrê jî “xalên Amerîkayê” hatine hedefgirtin. Li gorî daxuyaniyê, pergaleke parastina asmanî ya Patriot û baloneke çavdêriyê ya Amerîkayê hatine tunekirin. Her wiha hat gotin ku ew cihên ku hêzên ewlehiyê yên Amerîkayê li wan dimînin hatine bombebarankirin.

Donald Trump ragihand ku şiyana leşkerî ya Îranê bi temamî têk çûye û Tehran niha gelekî dixwaze bi Washingtonê re peymanekê bike. Serokê Amerîkayê Donald Trump tekez kir ku xeta wan a sor ew e ku Îran ti carî nebe xwediya çekên atomî. Donald Trump îro di daxuyaniyeke xwe ya nû de li ser rewşa Îranê û şerê li herêmê got: “Her tiştê li ser Îranê gelekî baş bi rê ve diçe, loma baweriyê bi medyaya sexte nekin. Me gelekî baş û bi tundî li Îranê xist, êdî hêza wan a deryayî û asmanî nemaye.” Serokê Amerîkayê amarên hûrgilî yên li ser wan zererên ku artêşa Amerîkayê gihandine Îranê eşkere kirin û got: “250 balafirên wan ên şer neman, 150 belemên wan ên mayînan ku belemên gelekî bipêşketî bûn niha hemû di kûrahiya deryayê de ne. Radarên wan nemane û tenê çend dronên wan mane, ew e ku hûn niha dibînin.” “Dixwazin peymanê bi me re bikin” Trump amaje pê kir ku rayedarên Tehranê di bin re dixwazin hevdîtinan bikin û anî zimên: “Bi wî awayê ku niha bi me re diaxivin, gelekî dixwazin peymanê bi me re bikin. Ez bawer nakim hîn amade bin lê ez amade me guh bidim wan.” Serokê Amerîkayê careke din gef xwarin û ragihand ku ew rê nadin Îran bibe xwediya çekên atomî û got: “Em naxwazin bibînin ku Washington, Îsraîl yan jî Rojhilata Navîn bi çekên atomî wêran bibin. Ez dizanim hêza çekên atomî çi qas e, loma em ti carî rê nadin ku ev yek rû bide.” Piştî 13 şevan şer rawestiya Piştî 13 şevên şer û pevçûnên tund doh artêşa Amerîkayê êrişî Îranê nekir. Li hemberî vê yekê, Îranê jî êrişî baregehên Amerîkayê yên li herêma Kendavê nekiriye. Li aliyê din, artêşa Behreynê di daxuyaniyekê de eşkere kir ku pergals parastina asmanî îro çend êrişên bi dronan ên Îranê şikandine.

Li Yemenê bi fermana serokatiyê kabîneya hukumetê de hinek guhertin hatin kirin. Li gorî ajansa nûçeyan a fermî ya Yemenê…

Fermandariya Navendî ya DYAyê (CENTCOM) temamkirina şeva 13emîn a êrîşan li dijî Îranê ragihand. Daxuyaniyê destnîşan kir ku armanca operasyonê,…

Piştî daxuyaniya Özgür Özel, avakirina partiyek nû ragihand, pêlek mezin a îstifayan di nav partiyê de belav bû. Li gorî…

DYA ragihand ku ew operasyonek nû li dijî Îranê dest pê dike, raporên teqînan ji parêzgehên cûrbecûr ên welêt dest…

Wezareta Derve ya Amerîkayê “hişyariyek gerdûnî” weşand û ji welatiyan xwest ku hişyar bin ji ber ku aloziyên li Rojhilata…