Bakirhan: Em ne nûnerê HSDê ne
Hevserokê Giştî yê DEM’ê Tuncer Bakirhan bersiv da gotinên Serokê Giştî yê MHP’ê Devlet Bahçelî yên di derbarê banga YPGê û agirbesta PKKê. Bakirhan got, “Em ne nûnerên HSD’ê ne.”
Şandeya Îmraliyê ya DEM Partiyê piştî banga Rêberê PKK’ê Ocalan a ji bo dest ji çekan berde dest bi serdana partiyên siyasî kir. Şanda Îmraliyê serdana hevkarê xwe Partiya EMEPê kir.
Hevserokê Giştî yê DEM’ê Tuncer Bakirhan û Serokê Giştî yê EMEP’ê Seyît Arslan daxuyaniyeke kin dan û piştre bersiva pirsêni rojnamevanan dan.
Li ser pirsekî Bakirhan got: Ocalan ji pêkhateyên PKK’ê yên li Sûriyeyê jî nameyek ji HSD’ê re şandiye. Bakirhan, diyar kir ku ew nizanin naveroka nameyê çiye û herweha nizanin ku çi bersiva nameya Ocalan hatiye dayîn.
Bakirhan piştî civîna girtî daxuyaniyek da.
“Me civîneke berhemdar û girîng pêk anî. Me di destpêka pêvajoyê de diyar kir ku em ê şefaf bin, bêyî ku bi demê re sînordar bin em ê nîqaş û muzakereyan bi awayekî vekirî bi hemû dînamîkên civakê re parve bikin û bêyî ku tiştekî ji civakê veşêrin em ê agahiyan bidin. Piştî hevdîtina li her du Îmraliyan me hemû dînamîkên partî û civakê agahdar kirin. Civîna dawî ya ku em beşdar bûn civîneke pir dîrokî bû. Di wê civînê de biryara betalkirina rêxistina çekdar a ku 50 sal berê li Enqereyê hatibû avakirin hat dayîn. Pir girîng bû. Birêz Ocalan di banga xwe de anî ziman ku divê Tirkiye ji tundî û pevçûnan dûr bikeve û pirsgirêkan bi diyalogê li ser bingeheke demokratîk çareser bike. Em ê hewl bidin bi raporkirina geşedanan û nîqaşan bi awayekî vekirî û şefaf tevkariyên wan di vê pêvajoyê de bi dest bixin. Bang li 85 milyon gelê Tirkiyeyê, ji hêzên demokrasiyê, ji me hemûyan re ye. Ev bang destpêkek e. Ez dixwazim bibêjim ku ji bo bersivdayîna vê bangê pêwîste em bi hev re bibin yek.”
Bakirhan li ser pirsa gelo di banga Abdullah Ocalan de YPG heye yan na, ev bersiv da:
“Di serdemeke li pêşiya me de ku pirsgirêka Kurd a ku enerjiya Tirkiyeyê dixwe û dibe sedema windakirina mirovan, bê şîdet û çek tê nîqaşkirin, pêwîste li ser vê mijarê bisekinin. Em ne ew in ku berpirsiyar in ku diyar bikin ku bang li ku û çi radeyê digire. Em ne nûnerên HSD’ê ne. Bang dibêje demokrasî, dibêje aştî. Pir rasttir e ku mero vê pirsê ji muxataban bipirse. Nameya birêz Öcalan hat şandin, bersivên wê nameyê jî hatin dayîn. Ji ber ku me ne dîtiye di wê nameyê de çi hatiye nivîsandin û ne jî bersiva ku me hatiye dayîn, ez dixwazim bibêjim ku ne karê me ye ku em diyar bikin ka wan di bangewaziyê de çi gotiye, li ku û çi radeyê vedihewîne.”
