Li Selaheddîn Serok Mesûd Barzanî pêşwaziya Stîc Pawlu Bîras Balyozê Danîmark li Iraqê kir ku bi helkefta dawî hatina erkên xwe yên li Iraqê û xatir xwestin û malavayîkirinê serdana Serok Barzanî kiribû.
Li hevdîtinê de Balyozê Danîmark li Iraqê pêzanînên xwe ji bo rola Serok Barzanî ya li dîroka tevgera rizgarîxwaziya Kurdistanê hebû û spasî Hikûmeta Herêma Kurdistanê jî kir ji bo hevkarî û hemahengiya li gel Hikûmeta Danîmark di derbarê wan du welatiyên Danîmarkî ku berî demekê li Herêma Kurdistanê tûşî giriftan hatibûn.
Her li vê civînê de rewşa siyasiya Iraqê û gef û astengiyên li ber proseya siyasiya Iraqê hatin guftûgo kirin û Serok Barzanî di derbarê beşdariya Herêmê li hikûmeta paşerojê û proseya siyasiya Iraqê tekez li wê yekê kir ku mercên Herêmê ji bo proseya siyasiya Iraqê pêgirîbûna aliyên siyasiyên Iraqe bi her sê prensîpên şeraket û hevsengî û sazanê.
Li beşeke dinê civînê de di derbarê gefên terorê li ser aramiya navçeyê û rewşa Şingalê de danustandina bîr û ramanan kirin.
