Almanya: Di êrîşekî de 3 hatin kuştin û 6 jî bi giranî birîndar bûn

Şeva Înê li Elmanya bajarê Solingen ê di encama êrîşa bi kêrê de 3 kes mirin û 6 kes jî bi giranî birîndar bûn.

Hate diyarkirin ku di derdora demjimêr 22.00’an kesekî nasnameya wî nediyar êrîşî gelek kesan kiriye û êrîşkar hê jî nehatiye desteserkirin.

Polîsan diyar kirin ku êrîş di dema festîvala ku ji bo 650 saliya bajêr hatiye lidarxistin de pêk hatiye. Solingen li Nordrhein-Westfalen, eyaleta herî qelebalix a Almanyayê ye û bi Hollanda re hevsînor e. Wezîrê Karên Hundir ê eyaletê Herbert Reul, serdana cihê bûyerê kir û ji rojnamevanan re got ku ew êrîşek armanckirî ye li dijî jiyana mirovan, lê nexwest li ser sedema êrîşê şîroveyekî bike.

Hat ragihandin ku festîval heta niha hatiye betalkirin.