Li Yewnanîstanê, ku di nava mehekê de cara duyemîn çû ser sindoqan, partîya desthilatdar a Mitçotakis Demokrasîya Nû, vê carê bi ser ket û piranîya kursîyên parlamenê bi dest xist.
Partîya muhafezekar Demokrasîya Nû ya bi serokatîya Serokwezîr Kiryakos Mitçotakis di hilbijartinên giştî yên duyemîn de di nava 5 hefteyan de bi ser ket. Vê carê jî Demokrasiya Nû, ku di heman demê de piranîya kursîyên parlemanê bi dest xist, bi rêjeya ji sedî 40.5ê dengan 158 kursî bi dest xist û hema hema hemû deng hatin jimartin. Ev encam di 50 salên dawî de serkeftina herî mezin a muhafazakarên Yewnanîstanê nîşan dide. Îstîqrara aborî ya ku Mîtçotakis piştî krîzên giran ên bi salan anî Yewnanîstanê, tê fikirîn ku di serketina hilbijartinê ya Demokrasiya Nû de rolek girîng bilîze.
Partîya Çep a muxalefetê Syriza ji sedî 18 deng girt. Syriza bi serokatîya Serokwezîrê berê Alexis Tsipras, li gor hilbijartinên giştî yên 21ê Gulanê, nêzîkî 275 hezar deng winda kir û 47 wekîl derxist.
Li Yewnanîstanê ku nêzî 10 mîlyon hilbijêr lê hene, rêjeya dengan ji sedî 53 bû. Di hilbijartinên giştî yên 21ê Gulanê yên li Yewnanîstanê de rêjeya beşdarbûnê ji sedî 61 bû. Di hilbijartinên navborî de, ji ber ku ti partîyek nikarîbû bigihîje hejmara ku bikaribe bi tena serê xwe hikûmetê ava bike, li gor zagonê dîsa hilbijartin hatin kirin. Li gor yasaya nû, ji bo partîya ku di tûra duyem a hilbijartinan de sindoqên zêde bi dest bixe, 20 heta 50 kursiyên zêde li parlamentoyê tê dayîn.
Soza Mitçotakis a “veguherîna” Yewnanîstanê Mîtçotakis di daxuyanîya xwe ya piştî eşkerekirina encamên hilbijartinê de soza lezkirina reformên sazî û aborîyê da.
