Mexdûrên erdhejê çawa dikarin bi vîzeyê biçin Almanyayê?

Hikûmeta Almanyayê soz da ku ji bo koçberên li Almanyayê dijîn û dixwazin xizmên xwe yên mexdûrên erdhejê bînin Almanyayê, pêvajoya vîzeyê hêsan bike.

Îcar kî dikare biçe Almanyayê û çawa?

Belgeyên ku ji bo vîzeya mexdûrên erdhejê hatine xwestin wiha ne:

-Dagirtina forma serlêdana vîzeyê

-Pasaport (pasaporta demkî jî tê qebûlkirin)

-Kerta tenduristiyê (di dema mayîna li Almanyayê derbas dibe.)

-Wêneyê biyometrîk – Rapora agahdariya niştecîh, a ku rûniştina we ya li devera erdhejê nîşan dide.

-Nimûneya qeydkirina nasnameyê û beyana ku  xizimtiya we û vexwendkarê li Almanyayê nîşan dide

-Gotarek bi kurtî li ser rewşa erdhejê

-Peymana ku ji aliyê vexwendkarê Almanyayê hatiye dayîn

Tezkere, yan jî vexwendname, belgeya herî girîng e ku ji bo serlêdana vîzeyê ji Almanyayê re tê xwestin.  Kesên vexwendkar tenê dikarin ji pêvajoya bilez a vîzeyê sûd werbigirin da ku xizmên xwe yên pileya yekem û duyem yên mexdûrên erdhejê bînin.

Di heman demê de şert e ku kesê vexwendin kiriye niştecîhek daîmî yan jî hemwelatiyê Alman be.