Li Rojava Hêza Bazên Azadiya Kurdistan hat ragihandin

22/01/2013

Li Kurdistana Rojava ciwanên Kurdistanê endamên xwe bi çek dikin. Herweha Tevgera Ciwanên Kurdistanê hêzek leşkerî ragihand û didin xuyakirin ku ewê ji bo parastina miletê kurd li dijê rejima dîktator a Esed şer bikin.

Ciwanên Kurdistanê roja destpêka Şoreşa Suriye hata niha li Suriye û Kurdistana Rojava ketin di nava refên şoreşê de û roj bi roj xwe rêxistin kirin. Lê gelek caran bûn armanca êrîşên hêzên rejimê û PYDê.

Tevgera Ciwanên Kurdistanê bi armanca parastinê “Héza Bazen Azadiya Kurdistan” damezirandin.

Tevgera Ciwanên Kurdistanê daxuyaniyek ji bo raya giştiya Kurdistanê ragihandin û di tê de dibêjin: Çek ne reya yekem e ji bo me. Lê di van mercan de em ji bo parastina Kurdistanê û hêzên netewî destavêtina çekan û amadekirina hêzek çekdar wek pêwistiyekî dibînin.

TCK di daxuyaniya xwe de radigihînin ku, ew bi tu hêzêk yan jî partiyekî ve ne girêdayîne û ev tevgerek serbixwene .TCK dibêjin daxwaziya me serxebûna Kurdistanêye. Lê em bi erênî pêşwaziya federasyonê û bi her awayekî destxistina mafên gelê kurd dikin.

22/01/2013