Îro piştî nîvro Serok Nêçîrvan Barzanî pêşwaziya Balyozê Fransa li Iraqê Eric Chovalier kir.
Di hevdîtinê de pêşhatên dawî yên rewşa siyasî û emnî ya Iraqê û hewlên ji bo hilbijartina serokkomar û pêkanîna hikûmeta dahatî ya Iraqê, peywendiyên Hewlêr û Bexdayê ji bo rûbirûbûna metirsiya DAIŞê bi taybet li ser navçeyên maddeya 140ê hatin gotûbêjkirin.
Balyozê Franseyê tekîd li ser giringiya berfirehkirina peywendiyên welatê xwe li gel Iraq û Herêma Kurdistanê kir û aramî û îstikrara Iraqê ji bo parastina aramiya navçeyê pêwîst û giring zanî.
Ji aliyê xwe ve Serok Barzanî balkişand li ser wê yekê ku çareseriya kêşeyên navbera Hewlêr û Bexdayê mifteya aştî û aramiya Iraqê ye û hebûna mekanîzma diyalogê û çareserkirina kêşeyên hilawîstî jî pêwîste..
Her du alî li ser pêwîstî û giringiya berdewamiya hevkarî û hemahengiya di navbera Pêşmerge û artêşa Iraqê de bi piştevaniya hêzên hevpeymaniya navdewletî ji bo rûbirûbûna metirsiya DAIŞê bi taybetî di warên madeya 140 ya destûrê de hemfikirbûn.
