Şêwirmendê Encumena Asayişa Herêma Kurdistanê Mesrûr Barzanî derbarê serkevtinên Hêza Pêşmerge ya Kurdistanê di operasyonên du rojên dawî yên li eniyên Xazir û Guwêr-Mexmûrê de daxuyaniyek belav kir. Mesrûr Barzanî ji ber serkevtina operasyona vê dawiyê, pîrozbayî li Barzanî, Hêzên Pêşmerge, Hêzên Asayişê û Antî-Terorê û pêşmergeyên xwebexş kir. Barzanî herwiha spasiya dezgehên medyayî yên Kurdistanê jî kir û got: “Ez destxweşiyê li peyamnêrên wêrek ên dezgehên ragihandinê dikin ku mil bi milê Hêzên Pêşmerge di pêşveçûnê de bûn û wêneyê qehremaniyên Pêşmergeyan bo gelê me û seranserî cîhanê veguhast, heta xwîna wan jî tevlî xwîna pêşmerge bû û canê xwe qurbanî kirin.” Barzanî di beşeke din a daxuyaniya xwe de spasiya Hêzên Hevpeymanan jî kir û da xuyakirin, ku piştevaniya esmaniya Hêzên Hevpeymanan rolek bi bandor di serkevtinên Hêzên Pêşmerge de hebû. Şêwirmendê Encumena Asayişa Herêma Kurdistanê amaje bi şehîd û birîndaran pêşmerge di operasyona dawî de jî kir û ragihand: “Vê carê jî komek xortên niştîmanperwer cane xw gorî kirin, bi vê boneyê ez serxweşiyê li kesûkarên serbilind ên şehîdan û cenabê Serok Barzanî dikim û cihê şehîdan biheşta fereh be û hêviya başbûnê jî ji birîndaran re dixwazim.” Mesrûr Barzanî tekez jî kir: “Ez hêvî dikim gelê me wan cangorîkirina pêşmergeyên wêrek di rojên zehmet de ji bîr neke û bi bidestxistina serxwebûna Kurdistanê wan xelat bikin.” Roja 14ê Tebax a 2016 Hêzên Pêşmerge bi serpireştiya Serokê Herêma Kurdistanê Mesûd Barzanî li eniyên Xazir û Guwêr-Mexmûr dest bi operasyonekê li dijî DAIŞê kir, ku heta îro dom kir. Di encama vê operasyonên de, 12 gund hatin kontrolkirin, 150 km ax ji kontrola DAIŞê hat derxistin û 130 çekdarên wê rêxistinê jî hatin kuştin. Herwiha li gorî agahiyan, di vê operasyonên de 13 pêşmerge jî şehîd bûn, ku 2 ji wan ji Pêşmergeyên Rojavayê Kurdistanê bûn.
