Kongreya Giştî ya Duyemîn a PWKyê Li Amedê Hate Li Dar Xistin
Partîya Welatparêzên Kurdistanê (PWK) roja 30.08.2026ê li Amedê 2yemîn kongreya xwe ya giştî ya asayî bi awayekî girseyî li dar xist.
2yemîn Kongreya PWKyê li hola Otêla Tûrîstîkê ya li Amedê hate birêvebirin.
Ji ber wefata kedkarê doza azadîya Kurdistanê Mehdî Zana, bernameya kongreya PWKyê hinekî hate guhertin. Gelek dezgehên sivîl û kesayetên kurd, ji bo ku bikaribin beşdarî merasîma cenazeye Mehdî Zana bibin, nikarîbûn beşdarî kongreya PWKyê bibin û di vê warî de uzra xwe xwestin. Gelek telewîzyonên kurdî jî ji ber vê sebebê nikarîbûn beşdarî kongreyê bibin.
Li gel vê rewşa ku ne di destê me de jî 2yemîn Kongreya PWKyê bi awayekî girseyî û beşdarîya gelek partîyên sîyasî, dezgehên sivîl, sîyasetmedar û rewşenbîrên kurd li dar ket.
Kongreya PWKyê di saet 10.00an de dest pê kir. Di destpêka kongreyê de li ser navê Komîsyona Amadekar ya Kongreyê Mehmet Can Azbay bixêrhatina beşdaran kir û di derbarê girîngîya 2yemîn kongreya PWKyê de kurteaxaftinek kir. Mehmet Can Azbay ji bo Serokatîya Dîwana Kongreyê Mehmet Selîm Ûzûn, ji bo endamtîya dîwanê jî Sîrac Kirici, Seval Mert û Dilbirîn Tîrêj pêşniyar kir. Dîwan ji alîyê delegeyên kongreye ve bi yekdengî hate hilbijartin.
Serokê Dîwanê Mehmet Selîm Ûzûn bixêrhatina mêvanan û delegeyên kongreye kir û bi sirûda neteweyî Ey Reqîb beşdarên kongreye dawetî rêz girtina şehîdên Kurdistanê kir.
Paşê Mehmet Selîm Ûzûn bal kişand ser wê yekê ku PWKyê kongreya xwe ya damezrandinê bi zazakî destpê kiribû û ev bûye wek tradîsyoneke PWKyê. Loma, Kongreya duyem ya PWK jî bi vê tradisyonê, ango bi zaravê zazakî dest pê kir. Mehmet Selîm Ûzûn bi zaravayê kirdkî-zazakî yê kurdî bi xêrhatina beşdaran kir û li ser girîngîya kongreyê kurte axaftinek kir.
Piştî axaftinê Mehmet Selîm Ûzûn, Serokê Giştî yê PWKyê Mustafa Ozçelîk hate ser dike û axaftina xwe destpê kir. Mustafa Ozçelîk di derbarê girîngîya kongreya PWKyê, rewşa heyî ya li her çar perçeyên Kurdistanê, Tirkîyeyê û Rojhilata Navîn de û di derbarê projeya dewletê û pêvajoya ku tê behs kirin de bîr û rayên PWKyê anî zimên.
Mustafa Ozçelîk ji bo ku bikaribin beşdarî merasîma cenazeye Mehdî Zana bibin, axaftina xwe kurt birî û got ku piştî em ji merasîma cenazeye vegerin ez ê axftina xwe berdewam bikim.
Dîwana Kongreya PWKyê di saet 11.00an de nevber da kongreyê û hemû mevan û nûnerên kongreyê li ber Şaredarîya Amedê bi awakî girseyî beşdarî merasima cenazeyê Mehdî Zana bûn.
Serokê Giştî yê PWKyê Mustafa Ozçelîk û PWKyîyan sersaxî ji Leyla Zana û xuşka Mehdî Zana, Nedret xanimê re xwestin.
Di merasîma cenazeye de, Cîhgirê Serokê Giştî yê PWKyê Mehmet Can Azbay jî wek hevalekî Mêhdî Zana yê Zîndana 5 Nolûya Dîyarbekirê axaftinek kir.
Piştî merasîma cenazeye Mehdî Zana ya li ber Şaredarîya Amedê bi dawî hat, delege û mêvanên PWKyê vegerîyan cîhê kongreyê û beşa duyem ya kongreyê bi beşdarîya mêvanan berdewam kir.
Di destpêka beşa duyem de Mustafa Ozçelîk di derbarê pêvajoya heyî de bîr û rayên PWKyê anî zimên.
Piştî axaftina Mustafa Ozçelîk, Serokê Giştî yê PSKyê Bayram Bozyel, ji Başûrê Kurdistanê nûnerê Partîya Sosyalîst a Demokrat a Kurdistanê Dr. Yûsûf Emîn, Nûnerê ENKSyê yê Tirkîyeyê Muslum Mihemed, Nûnerê Bizava Aştîya Navxweyî Ahmed Kanî, Nûnerê Pêlkurdê Koroglu Karaaslan, Nûnerê PDK-Bakur Alî Aydin û sîyasetmedarê kurd Îbrahîm Guçlu axifîn.
Helbestvan û rewşenbîrê kurd Ahmedê Kurdî bi helbesta xwe coşeke mezin da kongreyê.
Li gel delege, endam û alîgirên PWKyê, gelek sîyasetmedar û rewşenbîrên kurd û ev partî û grûbên sîyasî û dezgehên sivîl beşdarî kongreye bûn.
Partî û tevgerên sîyasî yên beşdarî kongreye bûn: Serokê Giştî yê PSKyê Bayram Bozyel û heyeta xwe, Serokê Giştî yê HAK-PARê Duzgun Kaplan û heyeta xwe, heyeta PÊLKURDê, heyeta VEJÎNÊ, heyeta PDK-BAKUR, nûnera Însîyatîva Neteweyî ya Kurdistanê Sevgî Çelîk û heyeta xwe, nûnerên Kesayetên Serbixwe yên Kurdistanî Seîd Veroj û Sedat Dogan, nûnerê Platforma Neteweyî ya Kurd Osman Karavîl û heyeta xwe, heyeta Partîya Komunist a Kurdistanê (KKP), Nûnerê ENKSyê yê Tirkîyeyê Muslum Mihemed û heyeta ENKSyê, ji Başûrê Kurdistanê nûnerê Partîya Sosyalîst a Demokrat a Kurdistanê Dr. Yûsûf Emîn û heyeta xwe, nûnerê Tevgera Azadî ya Kurdistanê li Sûrîyê Mehmûd Remo û heyeta xwe, heyeta Partîya Yekitîya Kurd Li Surîyeyê, Bazîd Salih Gewerî endamê Serkirdayetîya PSDK, nûnerê DDKDyê Îlhan Zeyrek û heyeta xwe,
Dezgehên sivîl ên beşdarî kongreye bûn: Serokê GUNSÎADê Şahîsmaîl Bedirhanoglu, Serokê DTSOyê Mehmet Kaya, Serokê beşa Amedê ya TİHV Mûrat Aba, Serokê Weqfa Xîretê Zafer Kizil, Nûnerê BANê Ahmet Kan, nûnerê Weqfa Îsmaîl Beşîkçî Nezîrê Cibo û heyeta xwe, Serokê Komeleya ŞIVÎDERê Azîz Ozalp, Parlamenterê Sêrtê yê berê Osman Ozçelîk. Pêşmergeyên PDKyê Zêrewan Nerweyî, Zagros Berwanî.
Partîyên ji Başûrê Kurdistanê peyam şandine ev in: Beşê Peywendîyên Giştî yê Partîya Demokrat a Kurdistanê (PDK), Beşê Peywendîyên Kurdistanîyan yâ Yekîtîya Niştimanî ya Kurdistanê (YNK), Yekgirtûya Îslamî ya Kurdistanê, Mekteb Sîyasî ya Hizba Şuî ya Kurdistanê, Partîya Sosyalîst a Demokrat a Kurdistanê.
Partîyên ji Rojhilatê Kurdistanê peyam şandine ev in: Sekreterê Giştî yê Hizba Demokrat a Kurdistana Îranê Mistefa Hicrî, Mekteba Sîyasî ya Komeleya Şoreşger a Zehmetkêşanê Kurdistanê, Serokê Partîya Serbestî ya Kurdistanê (PSK) Arif Bawecanî,
Partîyên ji Rojavayê Kurdistanê peyam şandine ev in: Serokê ENKSyê Mihemed Îsmaîl, Serokê Partîya Pêşverû ya Demokrat a Kurd Li Surîyê Dr. Salih Derwêş, Nesreddin Îbrahîm Sekreterê Giştî yê Partîya Demokrat a Kurd Li Surî (El-Partî), Partîya Yekitîya Demokrat a Kurd Li Surîyê.
Partî û dezgehên ji Bakurê Kurdistanê peyam şandine ev in: Sekreterê Giştî yê PDK-BAKUR Serdar Şık, Serokê Giştî yê PDKT Mehmet Emîn Kardaş, Berdevkê VEJÎNÊ Ferîd Azad, li ser navê Dezgeha Weqfa Hemîdê Smaîlaxa Cenk Kilinçaslan, Serokê DÎTAMê Mesût Azîzoglu.
Ahmet Acar, Alî Fûat Doguş, Alî Oncu, Baran Hamze, Bayram Ayaz, Bedîrhan Epozdemîr, Dara Bîlek, Emîn Eren, Ercan Îlgîn, Eser Karayel, Eyup Karakeçîlî, Faris Medenî Marşîl, Fexrîye Adsay, Fevzî Bîlge, Fûat Kumaraslan, Hacî Kardoxî, Halîm Îpek, Hatîp Ozer, Hîkmet Ata, Îkram Delen, Keremo, Mahmût Kîper, Naîf Bezwan, Osman Aytar, Rahîme Karakaş, Ramazan Moray, Riza Polat, Selahattîn Bûlût, Suleyman Çevîk, Şeyhmûs Dîken, Tahsîn Sever, Vîldan Tanrikûlû, Yaşar Abdulselamoglu û gelek sîyasetmedar û rewşenbîrên kurd jî peyamên pîrozbahîyê şandin.
Kongreya PWKyê piştî nîvro bes bi beşdarîya delegeyên PWKyê berdewam kir.
Di kongreyê de Mustafa Ozçelîk bi yekdengî dîsa wek Serokê Giştî yê PWKyê hate hilbijartin. Dûre jî Meclîsa Partîyê ya nû hate hilbijartin.
Kongreya PWKyê ya duyemîn, bi beşdarî û peyamên partî û dezgehên ji her çar perçeyên Kurdistanê, sîyasetmedar û rewşenbîrên kurdan, bi mistewaya beşdarîya delegeyan, bi nûkirina Meclîsa Partîyê ji ciwanan, bi wergirtina biryarên hêvîdar û bi atmosfera erênî ya berhemdar bi awayekî serkeftî encam da.
31.08.2026
Buroya Ragehandinê ya Partîya Welatparêzên Kurdistanê (PWK)
