Malperek nû di medya Kurdî de dest weşana xwe dike

1
54

Malperek nû bi navê Bergeh.com, dikeve jiyana weşanî de. Ev malper bi tenê zimanê Kurdiye û tipên aramî/erebî weşana xwe dike.

Malpera Bergeh bi daxûyaniyekê weşana xwe û armenca naveroka malperê ji Raya Giştî ya Kurdistanê rê dide xûyakirin. Dixweyê ev malper dê nefesek nû û balkêş di medya Kurdistana Başûr de bide xûyakirin.

Em wek karmendên Rojevakurd serkeftinê ji bo malpera Bergeh dixwazin û hêviya serkeftina malperê dikin.

Daxûyanî:


Ji raya giştî û medya kurdî re

Redaksyona malpera bergeh.com raya giştî û medya kurdî agadar dike ku malperek nû bi navê bergeh.com li baxçeyê malperên kurdî zêde kir.

Bergeh.com bi kirmancî û tîpên aramî/erebî weşana xwe dike.

Heta ji me bê em dê malpera xwe ji bona berjewendiyên gelê Kurdistanê û parastina xeta neteweyî û serxwebûna Kurdistanê bi kar bînin.

Malpera me dê cih bide hemû nûçe, nûçe/analîz û nivîsên di berjewendiya gelê kurd de û bihêzkirin û xurtkirina xeta neteweyî, serxwebûn û dewletbûna Kurdistanê de bin.

Me hest pê kir ku di vî warî de li devera Badînan valahiyek heye û me xwest bi destpêkirina weşana Bergeh.com heta radeyekê wê valahiyê pir bikin. Raste çend malperên bi kirmancî tîpên aramî/erebî li Badînan hene, lê ew malper yan fermî/resmî girêdayî rêxistin û aliyên siyasî ne û hizbatiyeke berteng weşana xwe dikin yan jî gelek bi devoka lokalî weşanê dikin û nikarin tîna xelkê Badînan bişkînin.

Em hêvîdarîn em bikarin bi weşna bergeh.com xizmeta doza rewaya gelê xwe bikin û xizmeta zimanê kurdî/kirmancî bikin.

Em daxwazê ji rewşenbîr, nivîskar, rojnamevan, hunermend û hemû texên din yên civakê bi taybetî li devera Badînan, li malpera xwe malpera bergeh.com xwedî derkevin û bi berhemên xwe (aborî, siyasî, hunerî, video, dîrok û yên din) malperê zengîn, bixemil û rewştir bikin.

Redaksiyona Bergehê

www.bergeh.com

Nêrînek

  1. Ez malpera Bergehê pîroz dikim. Ew bi xêr hatiye nav weşana Kurdistanê. Ez ji berpirsiyarên Malpera Bergehê re jî serkeftinê dixwazim. Ez amade me, ku her dem ji wan re bibim alîkar. Lewra ez baş dizanim ku malpera Bergeh dê xizmetî têkoşîna milî ya Kurdistanê, Dewleta Federe Ya Kurdistanê, serxwebûn û dewletbûna Kurdistanê, çanda û entellektualîzma kurdî bike.

Nerîna min :