Li himber Hizbullaha Libnanî êrîşek sîber hate kirin
Îsraîl vê carê bi awayek din êrîş kir. Êrîşek Siber li himber Hizbullaha Libnanê pêkanîç Ev cureyê êrîşê bala cîhanê kişand ê metiursiyek jî peyda kiriye.
Teqîna hevdem a pagerên ku endamên Hizbullaha Lubnanê ji bo ragihandinê bikar tînin, heta niha bûye sedema mirina 11 kesan û birîndarbûna 2 hezar û 800 kesan. Wezîrê Tenduristiyê yê Lubnanê Fîras el-Ebyad, di civîna çapemeniyê ya ku derbarê teqîna pageran de li dar xistibû, bal kişand ku piraniya birîndaran “ji dest an jî devera zikê xwe çêbûne.” Di dema ku bertekên êrîşa ku hemû cîhan şok kir berdewam bûn, saziya îstixbarata Îsraîlê MOSSAD bi îdiaya ku teqemenî di bataryayên pagerên ku Hizbullahê li Lubnanê bikar tîne de bi cih kiriye.
Dema ku dihat meraqkirin ka ew pagerên ku li Lubnanê li ser gelek endamên Hizbullahê hatine teqandin çawa wekî teqemenî hatine bikar anîn, li ser eslê amûran dest bi nîqaşê kirin. Navê sê modelên ku di medyaya civakî de derketine û tê îdiakirin ku endamên Hîzbullahê bi kar anîne ketine nava têkiliyeke tund. Li gorî vê yekê, du modelên pagerê yên navborî hilberên ku ji hêla pargîdaniyên Amerîkî ve têne çêkirin û yek jî ji hêla pargîdaniyên Taywanî ve têne çêkirin. Yek ji wan amûran aîdî Motorola ye, ku şirketek Amerîkî ye ku ji destpêka salên 1900-an vir ve têlefon û amûrên din ên ragihandinê çêdike. Lêbelê, heta êvara roja bûyerê, wêneyên pagerên ku rasterast bi markeya Motorola xuya dikirin, ku hat piştrast kirin ku endamên Hizbullahê teqiyane an zirar dîtine, li ser medyaya civakî nehatin belavkirin.
Wezareta Derve ya Amerîkayê ragihand ku ti destê wan di teqandina hevdemî ya pagerên ku endamên Hizbullahê li Lubnanê bikar tînin de tune ye û ew ê nenirxînin ka kî berpirsê bûyerê ye. Berdevkê Wezareta Karên Derve ya Amerîkayê Matthew Miller jî got, “Ez dikarim bibêjim ku ti pêwendiya Amerîkayê bi vê bûyerê re nîne. Agahiyên berê yên Amerîkayê der barê bûyerê de tune bûn. Em niha derbarê bûyerê de agahiyan berhev dikin.” Miller, ku ji ber pirs û pirsyarên berdewam, dev ji şîrovekirina ka gelo Îsraîl di êrîşê de berpirsiyar e yan na, got, “Gelo hûn difikirin ku dema ku Wezîrê Karên Derve yê DYA Blinken li herêmê ye, êrîşek bi vî rengî dê zirarê bide hewildanên Dewletên Yekbûyî yên Amerîkî ji bo kêmkirina rageşiyê. ?”
Li gorî daxuyaniya artêşa Îsraîlê, Serfermandarê Giştî yê Îsraîlê Halewî danê êvarê nirxandina rewşê kir û bal kişand ser “Di her qadê de ji bo êrîş û parastinê amade ne.” Di daxuyaniyê de her wiha hate destnîşankirin ku di rêwerzên ewlehiyê yên ku ji aliyê fermandariya eniya navxweyî ve hatine dayîn de ji bo ku gel bi cih bîne de ti guhertin çênebûye.
Sky News Arabia di raporta xwe ya li ser çavkaniyên curbecur de îdia kir ku êrîşa mezin a pagerê li Lubnanê bi saya MOSSADê ku ajansa îstixbarata derve ya Îsraîlê dest danîne ser alavên ragihandinê yên Hizbullahê berî ku wan bigire, mimkun e. Li gor çavkaniyê MOSSADê madeyeke teqemenî ya bi hêz a bi navê “PETN” di nava bataryayên wan amûran de bi cih kiriye û bi bilindkirina germahiya pîlotan ji dûr ve teqandiye.
