Polîtîk

YNK serdana serok kir

Li gora nûçeya KTV-ê , li  Selahedînê Serokê Kurdistanê  Mesûd Barzanî pêşwaziya heyeteke Rayedarên Yekîtiya Nîştimaniya Kurdistanê kir.

Di hevdîtineke de heyeta YNK li ser navê sekreterê YNK yê giştî  Celal Talabanî 66mîn salvegera damezrandina partiya demokrata Kurdistanê û herwiha roja jidayik bûna Serok Barzanî pîroz kir û hêviya pêşkeftin û geşe kirineke baştir ji PDK û xebata vê ya dîrokî xwest û tekez li ser hemahengî û hevkarî û tebayiya heyî ya di navbera aliyên siyasî yên Kurdistanê de kir bi taybetî di warê bihêztir kirina hevpeymaniya steratejîk a di navbera PDK û YNK de bi mebesta parastina destkeftin heyî û bihzêtir kirina navmala Kurd û bi destxistina ev armancên bilind yên ku, hîn jî nihatine bidestxistin.

Di berdewamiya vê hevdîtina han de Serok Barzanî jî spasiya heyeta yekîtiya nîştimaniya Kurdistanê kir û tekez li ser vê yekê kir ku, parastina hevpeymaniya steratejîk ya di navbera PDK û YNKê de di pêşiya her tişteke din deye jiber ku, tenê bi rêya bihêztir kirina hevpeymaniya han û bihêztir kirina navmala Kurd û hemahengî û tebayiya navbera aliyên siyasî yên Kurdistanê de dikarin bi teheda û metersiyan re rûbirû bibin.

Back to top button