Tu partî ne li ser qanûnêre ne..!
Roja yekşemê li Bexdayê di navbera çekdarên Heşdî Şabî û hêzên ewlehiyê de şerek rûda.
Serokwezîrê Iraqê Sudanî li ser vê yekê civîneka ewlehiyê ya awarte bi hêzên ewlehiyê re lidarxist. Sudanî dibêje: Mafê kesî tune ku dewletê an desthilatên biguherine û tu partî li ser qanûnê re tuneye.
Mihemed Şîa Sûdanî ev gotin dema ku serokatiya civînek ewlehiyê ya awarte bi hêzên ewlehiyê re dikir roja Yekşemê (27ê Tîrmehê) ji bo nîqaşkirina pevçûnek li ofîseke çandiniyê li Bexdayê ku tê de efserê polîsê federal hat kuştin kir.
Di daxuyaniyekê de, ofîsa çapemeniyê ya serokwezîr got ku Sûdanî tekez kir ku divê sûcdar li gorî qanûnên derbasdar werin darizandin û lêpirsîn divê bi awayekî profesyonel û li gorî rêbernameyên ku ji hêla hêzên çekdar ve têne şopandin were kirin.
Cîgirê fermandarê operasyonên hevbeş, fermandarê operasyonên Bexdayê û efserên ku bi êrîşa li ser ofîsê re rû bi rû mayîn, beşdarî civîna Sûdanî bûn.
Komîteya Heşdî Şebî di daxuyaniyekê de got ku ew ê li hember kesên ku ferman an tedbîrên ewlehiyê binpê dikin nermî nîşan nede.
“Saziya me dê ji bo welêt kelehek û dirêjkirina saziyên ewlehiyê yên fermî be, û di bin sîwana dewletê û serokatiya wê ya rewa de dixebite, her tevgerên takekesî an kolektîf ên ku ji vê çarçovê derdikevin wekî binpêkirina qanûnê têne hesibandin.
