Trump: Artêş amade ye tişta mayî jî xilas bike..
Serokê Amerîkayê got ku, ew li ser civîna dîrokî ya di navbera şandeya Amerîkayê (JD Vance, Steve Witkoff û Jared Kushner) û şandeya Îranê (Mohammad Baqir Qalibaf, Abbas Iraqchi û Elî Baqeri) de ku li Îslamabadê pêk hat, hatiye agahdarkirin.
Trump dibêje: “Civîn nêzîkî 20 saetan dom kir. Piraniya xalan li ser hev hatin kirin, lê tenê xala ku bi rastî girîng bû, ku meseleya nukleerî bû, li ser lihevhatin nehat kirin.”
Wî got, “Îran dê qet qet nebê xwedî çekên Nûkleerî,” Herweha got ku, Îran hîn jî li ser armancên xwe yên nukleerî israr dike.
Donald Trump got ku Hêzên Deryayî yên Amerîkayê dê tavilê dest bi astengkirina hemî keştîyên ku dikevin an ji Tengava Hurmuz derdikevin bikin.
Trump got: “Min ferman daye hêzên deryayî yên me ku her keştîyek ku serdana Îranê dike bigire.” Wî nivîsand ku eger serdana Îranê bikin, kes bi ewlehî derbas nabe. Her wiha tekez kir ku Dewletên Yekbûyî yên Amerîkayê dê dest bi tunekirina mayînên ku ji hêla Îranê ve li tengavê hatine çandin bike.
“Artêşa Amerîkayê di rewşa amadebaşiyê de ye”
Trump dubare got: “Hêzên wan ên deryayî û hewayî tune ne, parastina wan a hewayî û radarên wan bêkêr in, û piraniya serokên wan mirine. Em niha di rewşa amadebaşiyê de ne û artêşa me dê toza ku li Îranê maye biqedîne. ”
