Li Madrit paytextê Ispanyayê civînek çar kolî hate li darxistin. Di civînê de serokkomarê Tirkiye Tayib Erdogan, serokwezîra Swêd Magdelena Andersson, serokkomarê Finlandiya Sauli Niinistö û Sekreterê Giştî yê NATO yê Jens Stoltenberg amaede bûn. Babetê civînê daxwaziya endametiya Swêd û Finlandiya ya NATO yê bû. Tirkiye ji berî niha bi sedema ku Swêd û Finlandiya arikariya PKK,YPG û PYDê dikin li dijê ketina van herdu welatan a NATO derdiketa.
Lê di encama civînê de Tirkiye qebûl kir ku, herdu welat bibin endamê NATOyê. Lê himber vê yeke wan welatan jî hinek daxwaziyên Tirkiye qebûl kirin.
Piştî civîn dawî bû, sekretere NATO yê Stoltenberg daxûyaniyek ragihand û got: Ji bo endametiya Swêd û Finlandiya em gihan encamekî. Me krîza di vê 10 sala dawî ya herî mezin derbas kir. Em divê hemû bi yekdengî bigihin encamê. Li Birûksel civîn hatin kirin, min 4 caran bi rêya telefonê pewendî Erdogan re danîn. Finlandiya û Swêd amadene ku li gel Tirkiye di nava hemahendiyekî de bin. Îro li Madrîd serokan karîn pirsa heyî çareser bikin. Baweriya min li vê pêvajoyê tê. Berpirsiyariyên di peymanê de hatin destnîşankirin, dê cih bibin û herkesek berpirsiyariya xwe bîne cih. Endametiya Finlandiya û Swêd ji bo wan gelekî girîng e.
Peymana hatî îmzekirin:
-Wek hevalbendên paşerojê yên NATOyê, Fînlandiya û Swêd li hember hemû gefên li ser ewlehiya wê ya neteweyî bi tevahî piştgirîya Tirkiyeyê dikin. Di vê çarçoveyê de Fînlandiya û Swêd piştgiriyê nadin PYD/YPG û rêxistina ku li Tirkiyeyê wek FETO tê pênasekirin. Tirkiye jî li hemberî hemû gefên li ser ewlehiya neteweyî ya Fînlandiya û Swêdê tam piştgirî dide. Fînlandiya û Swêd bi hemû şêwe û diyardeyên wê terorê bi tundî red û şermezar dikin. Fînlandiya û Swêd êrîşên hemû rêxistinên terorê yên ku li dijî Tirkiyeyê tên kirin bi eşkereyî û zelalî şermezar dikin û hestên xwe yên kûr ên hevgirtinê bi Tirkiyeyê û malbatên qurbaniyan re tînin ziman.
-Fînlandiya û Swêd piştrast dikin ku PKK rêxistineke terorîstî ya qedexe ye. Fînlandiya û Swêd li ser xwe ferz dikin ku pêşî li çalakiyên PKK û hemû rêxistinên terorê yên din, berfirehkirina wan û çalakiyên kesên ku di nav rêxistin û rêxistinên girêdayê wan de ne û bi wan re têkildar in, asteng bikin. Tirkiye, Fînlandiya û Swêd ji bo pêşî li çalakiyên van rêxistinên terorê bigirin, biryar dan ku hevkariya xwe zêde bikin. Fînlandiya û Swêd daxwazên van rêxistinên terorîst red dikin.
-Tirkiye, Fînlandiya û Swêd piştrast dikin ku êdî ambargoya çekan a neteweyî di navbera wan de nemaye. Swêd qanûnên xwe yên neteweyî yên der barê hinartina çekan ji bo Hevalbendên NATOyê diguherîne. Di paşerojê de hinardekirina pîşesaziya berevaniyê ji Fînlandiya û Swêdê dê li gorî hevgirtina Hevalbendan û li gorî ruh û nameya xala 3 ya Peymana Washingtonê were kirin.
-Tirkiye, Fînlandiya û Swêd soz didin ku piştî hevdîtinên îro gavên berbiçav bavêjin.
-Damezrandina mekanîzmaya diyalog û hevkariyê ya birêkûpêk li ser hemû astan, di nav de dezgehên qanûnî û îstîxbaratê, ji bo bihêzkirina hevkariya li ser bingeha lihevkirinê di şerê li dijî terorîzmê, tawanên organîze û kêşeyên din ên hevbeş.
-Fînlandiya û Swêd wê li gorî bendên belge û polîtîkayên NATO yên têkildar bi biryar û cehd têkoşîna li dijî terorê bimeşînin û ji bo xurtkirina qanûnên xwe yên herêmî li gorî wê hemû gavên pêwîst bavêjin.
-Fînlandiya û Swêd, li gorî Peymana Radestkirina Ewropî, dê agahdarî, delîl û îstixbaratên ku ji hêla Tirkiyê ve hatine pêşkêş kirin, li ber çavan bigirin, da ku daxwazên Tirkiyê yên dersînorkirin an radestkirina gumanbarên terorîstî bi lez û bez û bi hemî aliyên wê ve bişopînin û hevkariya radestkirin û ewlehiyê pêş bixin bi Tirkiyeyê re dê peymanên peymanên dualî pêk bînin.
-Fînlandiya û Swêd dê der barê xebatên komkirina drav û elemanan yên rêxistina terorê PKKê û hemû girêdayên wê û rêxistinên eniyê da lêpirsînê bidin destpêkirin û ew ê wan qedexe bikin.
