Ti planek ji bo “rizgarkirina” Serokê Sûrî Beşar El Esed tine ye.
Jêderekî nêzîkî Kremlînê ji Bloomberg re ragihand ku Rûsya ti planek ji bo “rizgarkirina” Serokê Sûrî Beşar El Esed tine ye.
Bloomberg got ku Esed daxwaza alîkariya Rûsiya-Îranê dike dema ku komên çekdar ber bi deverên stratîjîk li Humsê pêşve diçin, lê dubarekirina senaryoya rizgarkirina wî ji aliyê hevalbendên wî ve, wek ku di sala 2015an de qewimî, vê carê ne mumkin xuya dike, ji ber ku çavkaniyên Tehran û Moskow ji ber şer li Ukrayna û Rojhilata Navîn tengav bûne.
Rûsyayê vê dawiyê balafirên şer bikar anî ji bo lêdana çeperên komên çekdar di dema pêşveçûna wan a bilez ber bi bajarên Sûriyê ve, lê Bloomberg amaje bi wê yekê kir ku ti ragihandineke zelal a Rûsyayê derbarê piştgirî û bicihkirina hêzan li Sûriyê piştî şerê Ukraynayê tune bû. Bersiva Îranê li ser daxwaza wî ya şandina hêzan bo Sûriyê “germ” bû.
Wezîrê Derve yê Îranê Ebas Iraqçî di hevpeyvînekê de ligel rojnameya El-Erebî El-Cedîd ku roja Çarşemê belav dibe got, eger hikûmeta Sûriyê daxwaz ji Îranê bike ku hêzên xwe bişîne Sûriyê, em ê li ser vê daxwazê lêkolîn bikin.
Berpirsekî pilebilind ê Îranê roja Îniyê got ku Tehran dê mûşek, firokeyên bê firokevan û şêwirmendên zêdetir bişîne Sûriyê û got: “Îhtimal heye Tehran hewce bike ku alavên leşkerî, mûşek û firokeyên bê firokevan bişîne Sûriyê… Tehran hemû gavên pêwîst ji bo zêdekirina hejmarê avêtine. şêwirmendên wê yên leşkerî li Sûriyê û bicihkirina hêzên xwe amadeye”
Wî berdewam kir: “Tehran niha piştevaniya istixbaratî û satelaytan dide Sûriyê.”
