Hêzên opozisyonê ber bi Şamê ve diçin

Muxalefeta ku ji 27ê Mijdarê ve li Sûriyê bi pêş ve diçe û Heleb û Hemayê ji destê rêjîma Esed standiye, li gorî nûçeyên herî dawî ji herêmê ketine navenda bajarê Humsê jî. Pispor Gerges ji BBC re axivî û got, “Eger navenda rejima Esed ya Humsê bi temamî derbasî muxalefetê bibe, em dikarin di çend hefte yan mehan de dawiya rejîma Esed bibînin.”

Li aliyê din li Şamê jî bi balafirên bê mirov êrîşeke kamîkaze hat kirin. Li vir hûrgulî hene …
‘Operasyona Rakirina Êrîşan’ ya ku muxalefetê beriya deh rojan li Sûriyeyê li dijî rejîmê dabû destpêkirin, li ser erdê hevsengiyan diguherîne. Hêzên opozisyonê ku rojek berê Hama li başûrê Helebê bi dest xistibûn, duh gihîştin bajarê Humsê ku sêyemîn bajarê herî mezin ê welat e. Komên ku navenda navçeyên Rasten û Telbise bi dest xistin, ketin Taxa Vaer a li rojavayê navenda bajêr û berê xwe dan hundirê navenda bajêr.

AFP ragihand ku, cihê ku hêzên opozîsyonê pêşde diçin leşkerên rejîmê vedikişin. Lê belê rejîma Şamê ev îdîa piştrast nekir. Hums 160 kîlometre dûrî Şamê ye.