TDŞ pişgiriya boykotê dike

Tevgera demokratên şoreşger bi minasebeta banga TZK-ê ya ji bo zimanê dayîkê,ku zarok heftiyekî neçin dibistana daxuyaniyek belav kir û di vê daxuyaniyê de  helwesta tevgera xwe ji raya giştî re didin eşkerekirin. Beşek ji daxuyaniya tevgera demokratên şoreşger bi vî awayiye:

Em, Tevgera Demokratên Şoreêger a Kurd bi van hizr û bawerîyên xwe, banga TZKê balkêş û di cîh de dibînin. Her weha em di rêvebirin û minaqeşeyên li ser vê çalakîyê de van xalên jêrîn giring dibînin û daxwaz ji hemû alîyan dikin ku ji bo biserketina vê çalakîyê, bala xwe bidin van xalan.
•         Mafê perwerdeya bi zimanê zikmakî mafekê bingehîn ya mirovî ye. Ev maf her weha di peymanên navneteweyî yên giştî yên eleqedar de û her weha bi taybetî jî di peymana navneteweyê ya mafên zarokan de, di xalêên destpêkê de û di xalên 28, 29 û 30yî de bi awayek taybetî û zelal hatîye nivîsandin. Loma jî daxwaza perwerdeya bi zimanê zikmakî daxwazek rewa, meşrû, giring, pêwîst û di cîhê xwe de ye.

•         Beyanên ku nûnerên hikûmetê li ser neşandina zarokan ya dibistanan mîna tawan (suc) dîyar dikin, bê bingeh in û berevacîkirina rastîya mafên zarokan ya navneteweyî ye. Hikumet û nûnerên wî divê berîya her tiştî dîyar bikin ku bêparîya mafê perwerdeya bi zimanê zikmakî ji bo zarokên kurda neheqî û tadeya herî mezin û sucek herî giran a li hemberî zarokan e. Hemû lêkolînên zanistî dîyar dikin ku zarokên bi zimanê zikamakî perwerde dibin ew ji alîyê tendrustîya zihnî û bedenî ve û her weha pêşveçûna zihnî û bedenî ve yên herî biserketî ne.

•         Ev çalakî divê bi dil û rizamendîya dêûbavan û zarokan ve bê pêkanîn û bi tu awayî divê zarok di dema vê çalakîyê de bi şidet û tedayîyê ve rûbirû nebin. Ev berpirsîyarî ya dêûbavan û organîzatorên vê çalakîyê ye.

•         Divê di dema çalakîyê de zarok û civat ji bo giringîya perwerdeya bi zimanê zikmakî bên agahdarkirin. Ji bona vê armancê li komeleyan û li cîhên din yên pêwîst civîn, semîner, perwerde bên amadekirin.

•         Divê dêûbavên zarokên kurdan pir bi aşkere û serbilindî dîyar bikin ku çalakîyek mîna boykota dibistanan mafekê demokratîk ya parastina mafên zarokan e. Ji bo ku di helwesta xwe de bawermend bin û çalakî li gora armanca rewa û meşrû bê pêkanîn, berpirsîyarîya hemû hêz û dezgehên welatparêz ew e ku zarokan ji şidet û zorê biparêzin û bi awayek demokratîk û bi aşîtî doza rewa ya zimanê xwe bikin. Nebin teşwîqkar û beşdarî  bikaranîna protestoyên ku bibe sedema bikaranîna şidetê. Di malên xwe de bibin mamosteyên zimanê zikmakî yên zarokên xwe.

•         Em bang li hemû hêz û dezgehên welatparêz dikin ku ji bo armancên ku hemû zarokên kurdan elaqeder dike û bi nasnameya me ya neteweyî ve girêdayî ye dev ji tengfikrî ya sîyasî berdin da ku çalakîyên wisa di rojên pêş de hîn bi awayek