Serokwezîrê Herêma Kurdistanê Mesrûr Barzanî îro çarşemê 13ê Nîsana 2022yan pêşwazî li Cîgirê Alîkarê Wezîrê Derve yê Amerîkayê Joey Hood kir.
Di civînê de li ser rewşa giştî û proseya siyasî ya li Iraqê û hewldanên pêkanîna kabîneya nû û pêşvebirina pêwendiyên Herêma Kurdistanê û Amerîkayê hatin gotûbêjkirin.
Cîgirê Alîkarê Wezîrê Derve yê Amerîkayê diyar kir ku Herêma Kurdistanê hevbeşeke girîng a Amerîkayê ye li navçeyê û welatê wî berdewam dibe di piştgirîkirina Herêma Kurdistanê di çarçoveya Iraqa federal de.
Serokwezîr Mesrûr Barzanî tekez kir ku Herêma Kurdistanê xwazyarê çaresekirina kêşeyan e ligel hikûmeta federal li ser bingeha destûrê û di bin ti zextekê de dest ji mafên xwe yên destûrî bernade.
